സംസ്ഥാന ജൂനിയർ ഫുട്ബോൾ; എറണാകുളം സെമി ഫൈനലിൽ

- Advertisement -

മലപ്പുറം പയ്യനാട് സ്റ്റേഡിയത്തിൽ നടക്കുന്ന സംസ്ഥാന ജൂനിയർ ഫുട്ബോൾ ചാമ്പ്യൻഷിപ്പിൽ എറണാകുളം സെമി ഫൈനൽ. ബി ഗ്രൂപ്പിൽ ഇന്ന് നടന്ന അവസാന മത്സരത്തിൽ കൊല്ലത്തെ പരാജയപ്പെടുത്തിയാണ് എറണാകുളം സെമി ഉറപ്പിച്ചത്. ഇന്നലെ മഴ കാരബ്ബം മാറ്റി വെച്ച മത്സരം ഇന്ന് 2-1 എന്ന സ്കോറിനാണ് എറണാകുളം ജയിച്ചത്. എറണാകുളത്തിനു വേണ്ടി അഫ്താബ് ആണ് രണ്ട് ഗോളുകളും നേടിയത്.

ആദ്യ രണ്ട് മത്സരത്തിൽ എറണാകുളം കാസർഗോഡിനെയും ഇടുക്കിയെയും തോൽപ്പിച്ചിരുന്നു. ഇതോടെ 9 പോയന്റുമായി എറണാകുളം ഗ്രൂപ്പിൽ ഒന്നാമത് എത്തി. സെമിയിൽ ഗ്രൂപ്പ് ഡി വിജയികളെ ആകും എറണാകുളം നേരിടുക. നവംബർ 3നായിരിക്കും സെമി നടക്കുക.

Advertisement