ജംഷദ്പൂർ എഫ് സിയുടെ പ്ലേ ഓഫിനായുള്ള പോരാട്ടത്തിന് വലിയ തിരിച്ചടി. ജംഷദ്പൂരിന്റെ ഏറ്റവും വലിയ സൈനിംഗ് ആയ ടിം കാഹിലിന് ഇനി ഈ സീസണിൽ കളിക്കാൻ കഴിഞ്ഞേക്കില്ല. പരിക്കാണ് കാഹിലിനെ ഇപ്പോൾ വലക്കുന്നത്. എഫ് സി ഗോവയ്ക്ക് എതിരായ മത്സരത്തിൽ ഏറ്റ പരിക്ക് ആദ്യ ചെറുത് ആണ് എന്ന് കരുതിയിരുന്നു എങ്കിലും ഇപ്പോൾ ആ പരിക്ക് കാരണം നിരവധി മത്സരങ്ങൾ കാഹിലിന് നഷ്ടമാകും എന്ന് ഉറപ്പായി.
കൂടുതൽ ചികിത്സകൾക്കായി കാഹിൽ ഇന്ന് മാഞ്ചസ്റ്ററിലേക്ക് തിരിക്കും. അവിടെ വെച്ച് ശസ്ത്രക്രിയക്ക് വിധേയനാകും. ശസ്ത്രക്രിയ എന്തായാലും വേണ്ടിവരും എന്ന് ജംഷദ്പൂർ അറിയിച്ചിട്ടുണ്ട്. കയ്യിലാണ് കാഹിലിന് ഇപ്പോൾ പരിക്കേറ്റിരിക്കുന്നത്. ഈ സീസണിൽ പരിക്ക് കാരണം ഇതിനകം തന്നെ പല മത്സരങ്ങളിലും ജംഷദ്പൂരിന് നഷ്ടമായിരുന്നു. കാലിഹ് ശസ്ത്രക്രിയ കഴിഞ്ഞ് ടീമിനൊപ്പം ചേരും എങ്കിലും സീസൺ അവസാനം വരെ കളത്തിൽ ഇറങ്ങാൻ സാധ്യതയില്ല.
