ജെംഷദ്പൂരിലും വിജയക്കുതിപ്പ് തുടർന്ന് ഹൈദരാബാദ്

ഇന്ത്യൻ സൂപ്പർ ലീഗിൽ വിജയക്കുതിപ്പ് തുടർന്ന് ഹൈദരാബാദ് എഫ്സി. ഐഎസ്എൽ ചരിത്രത്തിൽ ആദ്യമായി ജെംഷദ്പൂരിനെ വീഴ്ത്താൻ ഹൈദരാബാദിനായി. മുഹമ്മദ് യാസിറിന്റെ ഗോളാണ് ഹൈദരാബാദ് എഫ്സിക്ക് ജയം നേടിക്കൊടുത്തത്. ഈ ജയത്തോട് കൂടി ഐഎസ്എല്ലിൽ പോയന്റ് നിലയിൽ ഒന്നാം സ്ഥാനത്ത് തന്നെയാണ് ഹൈദരാബാദ് എഫ്സി.

Img 20221109 213326

അഞ്ച് മത്സരങ്ങളിൽ നിന്നും ഒരു ജയം മാത്രം നേടിയ ജെംഷദ്പൂർ എഫ്സി ഒൻപതാം സ്ഥാനത്താണ്. അഞ്ച് ജയങ്ങളും അഞ്ച് ക്ലീൻ ഷീറ്റുമായി തകർപ്പൻ ഫോമിലാണ് ഹൈദരാബാദ് എഫ്സി. കളിയുടെ ആദ്യ പകുതിയിൽ ഗോൾ പിറന്നില്ലെങ്കിലും കളിയുടെ 48ആം മിനുട്ടിൽ യാസിറിലൂടെ ഹൈദരാബാദ് എഫ്സി ലീഡ് നേടി. ക്രിസ്റ്റ്യാനോ റൊണാൾഡോയെ ഓർമ്മിപ്പിക്കുന്ന സെലിബ്രേഷനുമായി യാസിർ കളിക്കളത്തിൽ നിറഞ്ഞു നിന്നു. ഇനി കേരള ബ്ലാസ്റ്റേഴ്സുമായാണ് ഹൈദരാബാദ് എഫ്സിയുടെ മത്സരം.