എ ടി കെ കൊൽക്കത്ത ഇനിയും ഒരുപാട് മെച്ചപ്പെടേണ്ടത് ഉണ്ട് എന്ന് പരിശീലകൻ ഹബാസ്. ഐ എസ് എല്ലിൽ തുടർച്ചയായി മൂന്നു മത്സരങ്ങൾ വിജയിച്ചു ലീഗിൽ ഒന്നാമത് നിൽക്കുകയാണ് എ ടി കെ കൊൽക്കത്ത. എന്നാൽ ഈ സമയത്ത് ലീഗിൽ ഒന്നാമത് നിൽക്കുന്നതിൽ ഒന്നും ഒരു കാര്യവുമില്ല എന്ന് ഹബാസ് പറഞ്ഞു. എന്നാൽ അവസാനം നിൽക്കുന്നതാണല്ലോ ഒന്നാമത് എന്നും അദ്ദേഹം ഓർമ്മിപ്പിച്ചു.
കേരള ബ്ലാസ്റ്റേഴ്സിനോട് പരാജയപ്പെട്ടു കൊണ്ടാണ് എ ടി കെ സീസൺ തുടങ്ങിയത് എങ്കിലും പിന്നീട് ടീം താളം കണ്ടെത്തുകയായിരുന്നു. ആദ്യ മത്സരം കഴിഞ്ഞപ്പോൾ തന്നെ ടീം മെച്ചപ്പെടും വരും മത്സരങ്ങളിൽ എന്ന് പറഞ്ഞിരുന്നു. ഇപ്പോൾ ടീം നന്നായി കളിക്കുന്നുണ്ട് എങ്കിലും ഇനിയും ഒരുപാട് ടീം മെച്ചപ്പെടുത്താൻ ഉണ്ട് എന്നും അദ്ദേഹം പറഞ്ഞു.
