കേരള ബ്ലാസ്റ്റേഴ്സ് മധ്യനിരതാരം ഫ്രെഡിയും പരിക്ക് മാറി പരിശീലനം പുനരാരംഭിച്ചു. ബൈക്ക് അപകടം കാരണം നവംബർ മുതൽ ഫ്രെഡി വിശ്രമത്തിൽ ആയിരുന്നു. ഇപ്പോൾ താരം കേരള ബ്ലാസ്റ്റേഴ്സിനൊപ്പം പരിശീലനം പുനരാരംഭിച്ചതായാണ് റിപ്പോർട്ട്. ഫ്രെഡി ഇപ്പോൾ വ്യക്തിഗത ട്രെയിനിംഗിലാണ് ഉള്ളത്. താരം ഐ എസ് എൽ പുനരാരംഭിക്കുമ്പോഴേക്ക് പൂർണ്ണ ഫിറ്റ്നസ് വീണ്ടെടുക്കും എന്ന് പ്രതീക്ഷിക്കപ്പെടുന്നു.
🚨🥇 Freddy Lallawmawma joined Kerala Blasters training camp & started individual training @Anas_2601 #KBFC pic.twitter.com/TdSHbozNmG
— KBFC XTRA (@kbfcxtra) January 9, 2024
ബൈക്ക് അപകടം നേരിട്ട താരത്തിന് സാരമായ പരിക്കേറ്റിരുന്നു. താരത്തിന്റെ ജോ ബോണിനും ഷോൾഡറിനും പരിക്കേൽക്കുകയും തുടർന്ന് ശസ്ത്രക്രിയ വേണ്ടിവരികയും ചെയ്തിരുന്നു. ഈ സീസണിൽ ഇതുവരെ ഫ്രെഡി കേരള ബ്ലാസ്റ്റേഴ്സിനായി 5 മത്സരങ്ങളിൽ 93 മിനിറ്റോളം ഫുട്ബോൾ കളിച്ചിരുന്നു. കളത്തിലിറങ്ങിയപ്പോൾ എല്ലാം പ്രതീക്ഷ നൽകുന്ന പ്രകടനവും അദ്ദേഹം കാഴ്ചവച്ചിരുന്നു. ഫ്രെഡിയെ കൂടാതെ ബ്ലാസ്റ്റേഴ്സിന്റെ ഐബാൻ, ജീക്സൺ തുടങ്ങിയ പല പ്രധാനതാരങ്ങളും പരിക്ക് മാറി കളത്തിലേക്ക് തിരികെയെത്തുന്നതിന്റെ പാതയിലാണ്.
