ഇന്ത്യയുടെ ഫസ്റ്റ് ചോയ്സ് വിക്കറ്റ് കീപ്പറായി സഞ്ജു സാംസൺ തിരഞ്ഞെടുക്കപ്പെടുക ആണെങ്കിൽ സഞ്ജു ലോകകപ്പിൽ തന്റെ കഴിവ് തെളിയിക്കും എന്ന് വിശ്വാസം ഉണ്ടെന്ന് ശ്രീലങ്കൻ ഇതിഹാസം കുമാർ സംഗക്കാര. രാജസ്ഥാനിൽ സംഗക്കാര സഞ്ജുവിനൊപ്പം പ്രവർത്തിക്കുന്നുണ്ട്‌. സഞ്ജു ഇതുവരെ ഈ ഐ പി എല്ലുൽ 11 മത്സരങ്ങളിൽ നിന്ന് 471 റൺസ് നേടിയിട്ടുണ്ട്.
“സഞ്ജു ഒരു സ്പെഷ്യൽ കളിക്കാരനാണ്, അവൻ ഫിറ്റ് ആയിരിക്കുകയും ശ്രദ്ധ കേന്ദ്രീകരിക്കുകയും ചെയ്യുമ്പോൾ അദ്ദേഹത്തിന് ചെയ്യാൻ കഴിയാത്തതായി ഒന്നുമില്ല” സാംസണെ കുറിച്ച് സംഗക്കാര പറഞ്ഞു.
“അവൻ ഒരു എളിമയുള്ള ആളാണ്… സോഷ്യൽ മീഡിയയിൽ അധികം ഇഅ. അവൻ ഒരുപാട് സ്വകാര്യത ഇഷ്ടപ്പെടുന്നു, ഗ്രൂപ്പിലെ മറ്റുള്ളവരെ നന്നായി ശ്രദ്ധിക്കുന്നു.” സംഗക്കാര പറയുന്നു
“കഴിവുകളും വൈദഗ്ധ്യവും കൂടാതെ ഉണ്ടായിരിക്കേണ്ട മികച്ച ഗുണങ്ങളാണിവ. ലോകകപ്പിന് പോകുന്ന ആ ഗ്രൂപ്പിൽ അദ്ദേഹത്തിന് വലിയ സ്ഥാനം ഉണ്ടാകുമെന്ന് ഞാൻ കരുതുന്നു.” സംഗക്കാര പറഞ്ഞു.
“സഞ്ജുവിന്, ഈ സീസണിലെ ഏറ്റവും വലിയ കാര്യം അദ്ദേഹത്തിന് ബാറ്റ് ചെയ്യേണ്ട രീതിയെക്കുറിച്ച് ധാരാളം വ്യക്തതയുണ്ട് എന്നതാണ്. മുമ്പ് ഗെയിമിൻ്റെ ചില ഘട്ടങ്ങളുണ്ട്, അയാൾക്ക് കുറച്ച് ഏകാഗ്രത നഷ്ടപ്പെടുന്നതായി തോന്നുന്നുണ്ടായിരുന്നു, അത് ൽ ഞങ്ങൾ അഭിസംബോധന ചെയ്തു.” സംഗക്കാര സഞ്ജുവിന്റെ പുരോഗതിയെ കുറിച്ചു പറഞ്ഞു.
