ഈ സീസണിൽ ഈസ്റ്റ് ബംഗാളിന്റെ ക്യാപ്റ്റൻ ആയി അരിന്ദം ഭട്ടാചാര്യയെ നിയമിച്ചു. കഴിഞ്ഞ സീസണിൽ എ ടി കെ മോഹൻ ബഗാന്റെ താരമായിരുന്നു ഭട്ടാചാര്യ. അവിടെ നിന്ന് വന്ന് വൈരികളായ ഈസ്റ്റ് ബംഗാളിന്റെ ക്യാപ്റ്റൻ ആകുന്നത് ആരാധകർ എങ്ങനെ സ്വീകരിക്കും എന്നത് കാത്തിരുന്ന് കാണണം.
കഴിഞ്ഞ സീസണുകളിൽ എ ടി കെയ്ക്കായി ഗംഭീര പ്രകടനം തന്നെ അരിന്ദം നടത്തിയിരുന്നു. ഒരു സീസൺ മുമ്പെയുള്ള സീസണിൽ എ ടി കെയുടെ കിരീട പോരാട്ടത്തിൽ പ്രധാന പങ്കുവഹിച്ച താരമായിരുന്നു അരിന്ദം. ഐ എസ് എല്ലിൽ കഴിഞ്ഞ സീസണിൽ 20 മത്സരങ്ങളിൽ വല കാത്ത അരിന്ദം ആകെ 16 ഗോളുകളെ വഴങ്ങിയിരുന്നുള്ളൂ. ഈസ്റ്റ് ബംഗാൾ ക്യാപ്റ്റൻ ആകുന്നതിൽ സന്തോഷവും അഭിമാനവും ഉണ്ട് എന്ന് അരിന്ദം പറഞ്ഞു.
