ചെന്നൈ സിറ്റിക്കായി കഴിഞ്ഞ സീസണിൽ ഗോളടിച്ചു കൂട്ടിയ സ്ട്രൈക്കർ പെട്രോ മാൻസി ചെന്നൈ സിറ്റി വിടില്ല. കഴിഞ്ഞ സീസണിൽ ഐ ലീഗിലെ ടോപ് സ്കോറർ ആയിരുന്ന മാൻസി ചെന്നൈ സിറ്റിയുമായി ദീർഘകാല കരാറിൽ ഒപ്പിട്ടു. ചെന്നൈ സിറ്റിക്ക് വൻ തുക ഓഫർ ചെയ്തു കൊണ്ട് പല ക്ലബും താരത്തെ സ്വന്തമാക്കാൻ ശ്രമിക്കുന്നതിനിടെയാണ് താരം ചെന്നൈയിൻ തന്നെ തുടരുമെന്ന പ്രഖ്യാനം ക്ലബ് നടത്തിയിരിക്കുന്നത്.
Manzi /’mandzi/ (noun) Ox in Italian.
Presenting, once again, Pedro 'Kaalai' Manzi! #TheOxStays till 2022! #NammaThamizhagam#CCFC 🧡 pic.twitter.com/WbAsIsdSvS— Chennai City FC (@ChennaiCityFC) June 21, 2019
29കാരനായ താരം കാറ്റലോണിയൻ ടീമായ ലെ ഹോസ്പിറ്റലേറ്റിനിൽ നിന്നായിരുന്നു ചെന്നൈയിലേക്ക് കഴിഞ്ഞ വർഷം എത്തിയത്. കഴിഞ്ഞ സീസണിൽ 25 ഗോളുകളാണ് ചെന്നൈ സിറ്റിക്കു വേണ്ടി മാൻസി അടിച്ചു കൂട്ടിയത്. കഴിഞ്ഞ സീസണിലെ ഐ ലീഗിലെ മികച്ച കളിക്കാരനും മാൻസി ആയിരുന്നു.
