സുദേവ ഡൽഹിയെ കീഴടക്കി ഐസാളിന് വിജയം

Picsart 23 01 16 20 00 09 098

സീസണിൽ മോശം ഫോമിൽ തുടരുന്ന സുദേവ ഡൽഹിക്ക് മറ്റൊരു തോൽവി കൂടി സമ്മാനിച്ച് ഐസാൾ എഫ്സി. സുദേവയുടെ തട്ടകത്തിൽ നടന്ന മത്സരത്തിൽ ഒന്നിനെതിരെ രണ്ടു ഗോളുകൾക്കാണ് ഐസാൾ ജയം നേടിയത്. കിസെക്ക, സൈലോ എന്നിവർ വിജയികൾക്കായി ഗോൾ കണ്ടെത്തി. സുദേവയുടെ ഗോൾ കാർലോസ് പാവോ സ്വന്തം പേരിൽ കുറിച്ചു. ഐസാളിന്റെ ആദ്യ എവേ വിജയം ആണിത്. വിജയിച്ചെങ്കിലും ഐസാൾ ഏഴാം സ്ഥാനത്ത് തുടരുകയാണ്. ഒറ്റ വിജയവും നേടിയിട്ടില്ലാത്ത സുദേവ ഡൽഹി അവസാന സ്ഥാനത്താണ്.

Picsart 23 01 16 20 05 34 184

ഇരു ടീമുകളും കീഴടങ്ങാൻ മനസില്ലാത്ത പൊരുതിയ ആദ്യ പകുതിയിൽ ഗോളുകൾ ഒന്നും പിറന്നില്ല. എന്നാൽ രണ്ടാം പകുതിയുടെ തുടക്കത്തിൽ തന്നെ കിസെക്ക ലക്ഷ്യം കണ്ടു. അൻപതിമൂന്നാം മിനിറ്റിലാണ് ആദ്യ ഗോൾ എത്തിയത്. അറുപതിയൊൻപതാം മിനിറ്റിൽ ഐസാൾ ഗോൾ ഇരട്ടിയാക്കി. ലാൽച്ചന്നിമ സൈലോ ആണ് ഇത്തവണ വല കുലുക്കിയത്. സ്വന്തം തട്ടകത്തിൽ തോൽവി ഒഴിവാക്കാനുള്ള സുദേവയുടെ ശ്രമങ്ങൾക്കിടെ കാർലോസ് പാവോയിലൂടെ എൺപതിയാറാം മിനിറ്റിൽ ഒരു ഗോൾ മടക്കാൻ അവർക്കായി. എങ്കിലും മറ്റൊരു തോൽവി കൂടി ഒഴിവാക്കാൻ ആയില്ല.