ഫ്രഞ്ച് താരം ഒലിവിയർ ജിറൂദ് (37) യൂറോയ്ക്ക് ശേഷം അന്താരാഷ്ട്ര ഫുട്ബോളിൽ നിന്ന് വിരമിക്കും. അടുത്ത മാസം ജർമ്മനിയിൽ നടക്കുന്ന ടൂർണമെന്റിൽ ആകും താൻ അവസാനമായി ഫ്രാൻസിനെ പ്രതിനിധീകരിക്കുന്നത് എന്ന് സ്ട്രൈക്കഫ് പറഞ്ഞു. 2018-ൽ ഫ്രാൻസിനൊപ്പം ലോകകപ്പ് നേടിയ താരമാണ് ജിറൂദ്. 2022-ൽ ഫൈനലിലെത്തുകയും ചെയ്തിരുന്നു.
അന്താരാഷ്ട്ര ഫുട്ബോളിൽ നിന്ന് വിരമിക്കും എങ്കിലും ക്ലവ് ഫുട്ബോളിൽ ജിറൂദ് തുടരും. എ സി മിലാന്റെ താരമായിരുന്ന ജിറൂദ് കഴിഞ്ഞ ആഴ്ച എ സി മിലാൻ വിടുമെന്ന് അറിയിച്ചിരുന്നു. ഇനി അമേരിക്കൻ ക്ലബായ എൽ എ ഗാലക്സിയിൽ ആകും ജിറൂദ് കളിക്കുന്നത്.
ജിറൂദിൻ്റെ വിരമിക്കൽ ഫ്രഞ്ച് ടീമിന് വലിയ നഷ്ടമാകും. ഫ്രാൻസിനായി ഏറ്റവും കൂടുതൽ ഗോളുകൾ നേടിയിട്ടുള്ള താരമാണ് ജിറൂദ്. 57 ഗോളുകൾ താരം ഫ്രാൻസിന്റെ ജേഴ്സിയിൽ നേടിയിട്ടുണ്ട്‌.
