സ്പെയിന്റെ പരിശീലകനില്ല പ്രശ്നത്തിന് അവസാനം ഒരു പരിഹാരമായി. ലോകകപ്പിന് തൊട്ടു മുന്നെ ഉണ്ടായ വിവാദങ്ങളും തുടർന്ന് താൽക്കാലികമായി ഫെർണാണ്ടോ ഹിയേറൊ ചുമതലയേറ്റതും ഒക്കെ സ്പെയിനിന്റെ ലോകകപ്പ് പ്രതീക്ഷകളെ തന്നെ ബാധിച്ചിരുന്നു. മുൻ ബാഴ്സലോണാ പരിശീലകനായ ലൂയിസ് എൻറികെ ആണ് ഇപ്പോൾ സ്പെയിനിന്റെ പരിശീലകനായിരിക്കുന്നത്.
രണ്ട് വർഷത്തെ കരാറിലാണ് എൻറികെയെ സ്പെയിൻ പരിശീലക സ്ഥാനത്റ്റ്ഗ് എത്തിച്ചിരിക്കുന്നത്. 48കാരനായ എൻറികെ ബാഴ്സ വിട്ടതിനു ശേഷം ഒരു ചുമതലയും ഏറ്റെടുത്തിരുന്നില്ല. ബാഴ്സലോണയുടെ പരിശീലകനായിരിക്കെ രണ്ട് ലാലിഗ കിരീടങ്ങളും ഒരു ചാമ്പ്യൻസ് ലീഗ് കിരീടവും എൻറികെ നേടിയിട്ടുണ്ട്. ഒപ്പം ക്ലബ് ലോകകപ്പും, മൂന്ന് കോപ ഡെൽ റെ കിരീടവും ബാഴ്സലോണ എൻറികെയ്ക്ക് ഒപ്പം ഉയർത്തി.
ബാഴ്സയെ കൂടാതെ റോമയുടെയും സെൽറ്റ ദി വീഗോയുടെയും പരിശീലകനായിട്ടുണ്ട്. റയൽ മാഡ്രിഡിനു ബാഴ്സലോണയ്ക്കും വേണ്ടി 150ൽ അധികം മത്സരങ്ങൾ വീതം കളിച്ചിട്ടുള്ള താരം കൂടിയാണ് എൻറികെ.
കൂടുതൽ കായിക വാർത്തകൾക്ക് : www.facebook.com/FanportOfficial
