ഞായറാഴ്ച നടക്കാനിരിക്കുന്ന അർജന്റീനയ്‌ക്കെതിരായ ഫിഫ ലോകകപ്പ് ഫൈനലിന് മുന്നോടിയായി ഫ്രാൻസ് കൂടുതൽ ആശങ്കയിൽ. അവരുടെ രണ്ട് താരങ്ങൾ കൂടെ ഫ്ലു ബാധിതരായിരിക്കുകയാണ്.
ജലദോഷവും പനിയും ബാധിച്ച് ഫ്രാൻസിന്റെ രണ്ട് സ്റ്റാർ ഡിഫൻഡർമാരു കൂടെ പ്രശ്നത്തിൽ ആയിരിക്കുകയാണ്. സെന്റർ ബാക്കികളായ വരാനെയും കൊനാറ്റെയും ഇപ്പോൾ ഫ്ലൂ ബാധിതരായിരിക്കുകയാണ്.
മൊറോക്കോയ്‌ക്കെതിരായ ഫ്രാൻസിന്റെ സെമി ഫൈനൽ മത്സരത്തിൽ രോഗബാധിതരായതിനാൽ സെന്റർ ബാക്ക് ദയോത് ഉപമെക്കാനോയും മിഡ്ഫീൽഡർ അഡ്രിയൻ റാബിയോയും കളിച്ചിരുന്നില്ല.
ഇരുവരും ഫൈനലിന് മുമ്പ് തിരികെയെ പൂർണ്ണ ഫിറ്റ്നസിൽ എത്തും എന്നാണ് ഫ്രാൻസിന്റെ പ്രതീക്ഷ.
