ലോകകപ്പിൽ ഇക്വഡോറിന് ആയി ഏറ്റവും കൂടുതൽ ഗോളുകൾ നേടുന്ന താരമായി എന്നർ വലൻസിയ മാറി. ഖത്തർ ലോകകപ്പിലെ ആദ്യ മത്സരത്തിൽ വലൻസിയയുടെ ഇരട്ടഗോൾ മികവിൽ ആണ് ഇക്വഡോർ ഖത്തറിനെ മറികടന്നത്. മത്സരത്തിൽ മൂന്നു ഗോളുകൾ താരം നേടിയെങ്കിലും ഒരു ഗോൾ വാർ ഓഫ് സൈഡ് ആയി കണ്ടത്തുക ആയിരുന്നു.
ഒരു ഗോൾ പെനാൽട്ടിയിലൂടെയും ഒരെണ്ണം ഹെഡറിലൂടെയും ആണ് താരം നേടിയത്. ഇതോടെ ലോകകപ്പിൽ താരത്തിന്റെ ഗോൾ നേട്ടം അഞ്ചെണ്ണം ആയി. ലോകകപ്പിൽ ഇക്വഡോർ നേടിയ കഴിഞ്ഞ അഞ്ചു ഗോളുകളും വലൻസിയ ആണ് നേടിയത്.ഇതിൽ മൂന്നും ഹെഡറുകൾ ആയിരുന്നു എന്ന പ്രത്യേകതയും ഉണ്ട്. ഇക്വഡോർ ചരിത്രത്തിൽ ഏറ്റവും കൂടുതൽ ഗോളുകൾ നേടിയ താരവും വലൻസിയ ആണ്. ഖത്തറിനു എതിരെ ഇന്ന് കളിയിലെ താരവും വലൻസിയ ആയിരുന്നു.
