ബ്രസീലിനായി ഫ്ലക്സ് കെട്ടുന്നതിന് ഇടയിൽ മരത്തിൽ നിന്ന് വീണ് കണ്ണൂർ സ്വദേശി മരണപ്പെട്ടു

കേരള ലോകകപ്പ് ആവേശത്തിലേക്ക് വരുന്നതിനിടയിൽ ഒരു ബ്രസീൽ ആരാധകന് ദാരുണാന്ത്യം. ബ്രസീലിന്റെ ഫ്ലക്സ് കെട്ടുന്നതിന് ഇടയിൽ മരത്തിൽ നിന്ന് വീണ് കണ്ണൂർ അലവിൽ സ്വദേശി ആയ നിധീഷ് ആണ് മരണപ്പെട്ടത്. വ്യാഴാഴ്ച രാത്രി ആയിരുന്നു അലവിൽ ബസ്റ്റോപ്പിന് സമീപം ബ്രസീൽ ആരാധകർ ഫ്ലക്സ് ഉയർത്തിയത്. ഫ്ലക്സ് കെട്ടിയതിനു ശേഷം അതിനു ചുറ്റും തോരണങ്ങളും മറ്റും സ്ഥാപിക്കുന്നതിന് ഇടയിലാണ് നിധീഷ് മരത്തിൽ നിന്ന് വീണത്.

വീഴ്ചയിൽ തലയ്ക്കേറ്റ പരിക്ക് മരണ കാരണമായി. ശ്രീചന്ദ് ഹോസ്പിറ്റലിൽ എത്തിച്ചു എങ്കിലും പരിക്ക് ഗുരുതരമായതിനാൽ രക്ഷിക്കാൻ ആയില്ല. ഇന്ന് രാവിലെയോടെ ആണ് മരണം സ്ഥിരീകരിച്ചത്.