ഇന്നത്തെ ക്വാർട്ടർ പോരാട്ടത്തിൽ ബ്രസീലിന്റെ സെൽഫ് ഗോളിലൂടെ ബെൽജിയം ഒരു ഗോളിന് മുന്നിൽ എത്തിയതോടെ ലോകകപ്പിൽ ബെൽജിയത്തിന് പുതിയ റെക്കോർഡായി. ഈ ലോകകപ്പിൽ ബെൽജിയത്തിന്റെ 13ആം ഗോളായിരുന്നു ഇത്. ബെൽജിയം അവരുടെ ലോകകപ്പ് ചരിത്രത്തിൽ ആദ്യമായാണ് ഒരു ലോകകപ്പിൽ ഇത്രയും ഗോളുകൾ നേടുന്നത്. 1986 ലോകകപ്പിൽ നേടിയ 12 ഗോളുകൾ എന്ന റെക്കോർഡാണ് ബെൽജിയം ഇന്ന് മറികടന്നത്. ഇന്നത്തെ രണ്ട് ഗോളുകളോടെ ബെൽജിയത്തിന് ഈ ലോകകപ്പിൽ 14 ഗോളുകളായി.
ഈ ലോകകപ്പിൽ ഏറ്റവും കൂടുതൽ ഗോളുകൾ അടിച്ച ടീമും ബെൽജിയം ആണ്. ഗ്രൂപ്പ് ഘട്ടത്തിൽ തന്നെ 9 ഗോളുകൾ ബെൽജിയം നേടിയിരുന്നു. നാലു ഗോളുകൾ നേടിയ ലുകാകു ആണ് ബെൽജിയത്തിനായി ഗോളടിയിൽ മുന്നിൽ നിൽക്കുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
