യൂറോപ്പ ലീഗിലെ ആദ്യ വിജയം തേടി മാഞ്ചസ്റ്റർ യുണൈറ്റഡ് ഇന്ന് ഇറങ്ങും. ഇന്ന് മോൾഡോവയിൽ നടക്കുന്ന മത്സരത്തിൽ ഷെറിഫ് ആണ് മാഞ്ചസ്റ്റർ യുണൈറ്റഡിന്റെ എതിരാളികൾ. ഗ്രൂപ്പിലെ ആദ്യ മത്സരത്തിൽ റയൽ സോസിഡാഡിനോട് പരാജയപ്പെട്ട മാഞ്ചസ്റ്റർ യുണൈറ്റഡിന് ഒരു പരാജയം കൂടെ താങ്ങാൻ ആവില്ല. ആദ്യ മത്സരത്തിൽ ഓൾഡ്ട്രാഫോർഡിൽ വെച്ച് 1-0ന്റെ പരാജയം ആയിരുന്നു മാഞ്ചസ്റ്റർ യുണൈറ്റഡ് ഏറ്റുവാങ്ങിയത്.
അന്ന് ഇറങ്ങിയ ടീമിൽ നിന്ന് വലിയ മറ്റാങ്ങൾ ഇന്ന് ഉണ്ടാകും. ഇന്ന് പ്രീമിയർ ലീഗിൽ ടെൻ ഹാഗ് ഇറക്കിയിരുന്ന ടീമാകും കളത്തിൽ ഇറങ്ങുക. റാഷ്ഫോർഡിന് പരിക്കായത് കൊണ്ട് ക്രിസ്റ്റ്യാനോ റൊണാൾഡോ ആദ്യ ഇലവനിൽ തുടരും. കസെമെറോ, മഗ്വയർ എന്നിവർ ആദ്യ ഇലവനിൽ തുടരുമോ എന്നത് സംശയമാണ്.
മാഞ്ചസ്റ്റർ യുണൈറ്റഡിന്റെ ലീഡ്സിന് എതിരായ മത്സരവും മാറ്റിവെച്ചത് കൊണ്ട് ഈ മത്സരമാകും ഇന്റർ നാഷണൽ ബ്രേക്കിന് മുമ്പുള്ള അവരുടെ അവസാനം മത്സരം. രാത്രി 10.15ന് നടക്കുന്ന കളി തത്സമയം സോണി നെറ്റ്വർക്കിലും സോണി ലൈവിലും കാണാം.
