റോഡ്രിഗോയും അൽകസറും തിളങ്ങി, സ്പെയിനിന് വമ്പൻ ജയം

യൂറോ യോഗ്യത മത്സരത്തിൽ സ്പെയിനിന് വമ്പൻ ജയം. ഫറോ ഐലൻഡിനെ ഏകപക്ഷീയമായ നാല് ഗോളുകൾക്കാണ് സ്പെയിൻ തോൽപ്പിച്ചത്.കഴിഞ്ഞ ദിവസം റൊമാനിയക്കെതിരെ നടന്ന മത്സരത്തിൽ നിന്ന് 9 മാറ്റങ്ങളുമായാണ് പരിശീലകൻ റോബർട്ട് മൊറേനോ ടീമിനെ ഇറക്കിയത്. ഇതോടെ യൂറോ യോഗ്യതത്തിൽ ഗ്രൂപ്പ് എഫിൽ ഒന്നാം സ്ഥാനത്ത് സ്പെയിനിന് 7 പോയിന്റിന്റെ ലീഡായി. ഗ്രൂപ്പിൽ ഇതുവരെ കളിച്ച 6 മത്സരങ്ങളും സ്പെയിൻ ജയിച്ചിരുന്നു.

സ്പെയിനിന് വേണ്ടി ആദ്യ പകുതിയിൽ റോഡ്രിഗോയാണ് ഗോൾ നേടിയത്. തുടർന്ന് രണ്ടാം പകുതിയിൽ റോഡ്രിഗോയിലൂടെ തന്നെ സ്പെയിൻ ലീഡ് ഇരട്ടിയാക്കി. മത്സരം അവസാനിക്കാൻ മിനുട്ടുകൾ മാത്രം ബാക്കി നിൽക്കെ അൽകസർ രണ്ടു ഗോളുകൾ കൂടിയ നേടിയതോടെ ഗ്രൂപ്പിൽ ഏറ്റവും അവസാന സ്ഥാനത്തുള്ള ഫറോ ഐലണ്ടിനെതിരെ സ്പെയിൻ അനായാസം ജയിക്കുകയായിരുന്നു.