കോപ്പ ഡെൽ റേയുടെ നാലാം റൗണ്ടിലെ ഒന്നാം പാദ മത്സരത്തിൽ ഇഞ്ചുറി ടൈമിലെ ഗോളിൽ രക്ഷപെട്ട് ബാഴ്‌സലോണ. മൂന്നാം ഡിവിഷൻ ക്ലബായ കൾച്ചറൽ ലിയോനേസയോടാണ് ബാഴ്‌സലോണ ഏക പക്ഷീയമായ ഒരു ഗോളിന് ജയിച്ചത്. ഒരുപറ്റം ബി ടീം താരങ്ങളെ അണിനിരത്തിയാണ് ഇന്നലത്തെ മത്സരത്തിന് ബാഴ്‌സലോണ ഇറങ്ങിയത്.
ഫ്രഞ്ച് പ്രതിരോധ താരം ലെങ്ലെറ്റ് ആണ് ബാഴ്‌സലോണയുടെ ഏക ഗോൾ നേടിയത്. ഔസ്മാനെ ഡെംബലെയുടെ ഫ്രീ കിക്കിൽ നിന്നായിരുന്നു ലെങ്ലെറ്റിന്റെ ഗോൾ. ഇഞ്ചുറി ടൈമിൽ കൾച്ചറൽ ലിയോനേസ താരം മാർക്കോസ് ചുവപ്പു കാർഡ് കണ്ടു പുറത്തുപോയതോടെ 10 പെരുമായാണ് കൾച്ചറൽ ലിയോനേസ മത്സരം അവസാനിപ്പിച്ചത്. ഡിസംബർ 5ന് ന്യൂക്യാമ്പിൽ വെച്ചാണ് രണ്ടാം പാദ മത്സരം
