അബ്‌ഡോമൽ ഇഞ്ച്വറിയെ തുടർന്ന് നിലവിലെ ഒന്നാം സ്ഥാനക്കാരൻ റാഫേൽ നദാൽ പാരിസ് മാസ്റ്റേഴ്‌സിൽ നിന്ന് പിന്മാറിയതോടെ നൊവാക് ജോക്കോവിച്ച് ഒന്നാം റാങ്കിലേക്ക് എത്തുമെന്ന് ഉറപ്പായി. ടൂർണമെന്റിനായി പാരിസിൽ എത്തുകയും 2 ദിവസം പ്രാക്ട്ടീസ്‌ ചെയ്യുകയും ചെയ്ത ശേഷമാണ് നദാൽ പിന്മാറിയത്. സർവ്വ് ചെയ്യുമ്പോൾ ഉണ്ടാകുന്ന വേദനയാണ് താരത്തെ പിന്മാറാൻ നിർബന്ധിതനാക്കിയത്.

ഇതോടെ സീസണിൽ 20 റാങ്കിൽ താഴെ നിന്ന് അതേ സീസണിൽ തന്നെ ഒന്നാം സ്ഥാനത്തേക്ക് എത്തുകയെന്ന റഷ്യയുടെ സാഫിന്റെ റെക്കോർഡിന് ഒപ്പം എത്താനും സെർബിയൻ താരത്തിനായി. യുഎസ് ഓപ്പണിൽ സെമി ഫൈനലിൽ പരിക്ക് മൂലം പിന്മാറിയ നദാൽ അതിനുശേഷം മത്സരങ്ങളിൽ കളിച്ചിട്ടില്ല.

Loading...