അത്ലറ്റികോ മാഡ്രിഡിന്റെ ഹോം ഗ്രൗണ്ടായ വാൻഡ മെട്രോപൊളിറ്റാനോയിൽ കോപ്പ ഡെൽ റേ ഫൈനൽ അരങ്ങേറും. ബാഴ്സയും സെവിയ്യയും തമ്മിൽ അരങ്ങേറുന്ന ഫൈനൽ ഏപ്രിൽ 21 നാണ് അരങ്ങേറുക.
നിലവിലെ ജേതാക്കളായ ബാഴ്സ വലൻസിയയെ എതിരില്ലാത്ത 3 ഗോളിന് തകർത്താണ് ഫൈനലിൽ ഇടം നേടിയത്. സെവിയ്യ ആകട്ടെ ലേഗാനസിനെ 3-1 ന് മറികടന്നാണ് ബാഴ്‌സയെ നേരിടാൻ എത്തുന്നത്. ഈ സീസണിന്റെ തുടക്കത്തിൽ തുറന്ന മെട്രോപൊളിറ്റാനോയിൽ ഇതിന് മുൻപ് ബാഴ്സ കളിച്ചപ്പോൾ 1-1 ന്റെ സമനിലയായിരുന്നു ഫലം. സെവിയ്യ കളിച്ചപ്പോൾ എതിരില്ലാത്ത 2 ഗോളുകൾക്കാണ് അത്ലറ്റികോ ജയം കണ്ടത്. ഏതായാലും അത്ലറ്റികോ ഇല്ലാത്ത മെട്രോ പോളിറ്റാനോയിലെ ആദ്യ മത്സരമാവും ഇത്തവണത്തെ കോപ്പ ഡെൽ റേ ഫൈനൽ.
കൂടുതൽ കായിക വാർത്തകൾക്ക് : www.facebook.com/FanportOfficial
