കോവിഡ് പ്രതിസന്ധി; ആഴ്‌സണൽ – ലിവർപൂൾ മത്സരം മാറ്റിവെച്ചു

കോവിഡ് വ്യാപനം രൂക്ഷമായതിനാൽ നാളെ നടക്കേണ്ട ആഴ്‌സണൽ – ലിവർപൂൾ മത്സരം മാറ്റിവെച്ചു. ജനുവരി ആറിന് എമിറേറ്റ്സിൽ നടക്കേണ്ടിയിരുന്ന ഇഎഫ്എൽ കപ്പ് സെമി ഫൈനലിലെ ആദ്യ പാദ മത്സരമാണ് ലിവർപൂൾ സ്‌ക്വാഡിൽ കൊറോണ പിടിപെട്ടതിനെ തുടർന്ന് മാറ്റിവെച്ചത്.

ജനുവരി ആറിന് എമിറേറ്റ് സ്റ്റേഡിയത്തിൽ ആദ്യ പാദ മത്സരവും ജനുവരി പതിമൂന്നിന് രണ്ടാം പാദ മത്സരം ആൻഫീൽഡിലും ആയിരുന്നു നടക്കേണ്ടിയിരുന്നത്. എന്നാൽ നാളത്തെ മത്സരം മാറ്റി വെച്ചതിനാൽ ആദ്യ പാദം ആൻഫീൽഡിൽ ജനുവരി പതിമൂന്നിന് ആയിരിക്കും അരങ്ങേറുക. മാറ്റി വെച്ച മത്സരം ജനുവരി ഇരുപതിന് എമിറേറ്റ്സ് സ്റ്റേഡിയത്തിൽ രണ്ടാം പാദമായി നടക്കും.