ഹൊഫെൻഹെയിമിൽ നിന്നും സ്ട്രൈക്കെർ മാർക്ക് ഊത് ഷാൽകെയിലേക്കെത്തി. ഷാൽകെയുമായി നാല് വർഷത്തെ കരാറിലാണ് ഊത് ഒപ്പുവെച്ചത്. കരാറനുസരിച്ച് 2022 ജൂൺ 30 വരെ താരം റോയൽ ബ്ലൂസിനോടൊപ്പമുണ്ടാകും. 26 കാരനായ താരം ഈ സീസണിൽ തകർപ്പൻ ഫോമിലാണ്. 9 ഗോളുകളുമായാണ് ഊത് കുതിക്കുന്നത്. ഫ്രീ ട്രാൻസ്ഫെറിൽ ഹോഫൻഹെയിമിന് നഷ്ടപ്പെടുന്ന രണ്ടാം താരമാണ് ഊത്. കഴിഞ്ഞ സീസണിൽ സെബാസ്റ്റ്യൻ റൂഡിയെ ബയേണിലേക്ക് വിടാൻ ഹോഫൻഹെയിം നിർബന്ധിതരായിരുന്നു.
Welcome to #Schalke, Mark #Uth!
The striker will join from @achtzehn99_en at the end of the season 🤝 #Uth2022 pic.twitter.com/urdhXLJBZj
— FC Schalke 04 (@s04_en) January 9, 2018
കൊളോണിലെ വിവിധ ക്ലബ്ബുകളിലായി കളിച്ച് വളർന്ന മാർക്ക് ഊത് 1 എഫ്‌സി കൊളോണിലൂടെ U23 ടീമിന് വേണ്ടി കളിച്ചു. നെതർലാണ്ടിൽ പ്രൊ ഫുട്ബോൾ ആരംഭിച്ച മാർക്ക് ഊത് 63 മത്സരങ്ങളിൽ 23 ഗോളുകൾ നേടി. ഹോഫൻഹെയിമിന്റെ ആദ്യ ചാമ്പ്യൻസ് ലീഗ് ക്വാളിഫിക്കേഷന്റെ ഇരു പാദങ്ങളിലും മാർക്ക് ഊത് ഗോളടിച്ചിട്ടുണ്ട്. 2015 ൽ ബുണ്ടസ് ലീഗയിൽ തിരിച്ചെത്തിയ മാർക്ക് ഊത് 72 മത്സരങ്ങൾ 28 ഗോളുകൾ നേടിയിട്ടുണ്ട്
കൂടുതൽ കായിക വാർത്തകൾക്ക് : www.facebook.com/FanportOfficial
