വിജയ് ഹസാരെ ട്രോഫി ക്വാര്‍ട്ടര്‍ ഫൈനലില്‍ കടന്ന് കേരളം. ഗ്രൂപ്പില്‍ സിയില്‍ 16 പോയിന്റുമായി കര്‍ണ്ണാടകയ്ക്കും ഉത്തര്‍പ്രദേശിനും ഒപ്പമായിരുന്നുവെങ്കില്‍ കേരളം റണ്‍ റേറ്റില്‍ മൂന്നാം സ്ഥാനത്തേക്ക് പിന്തള്ളുകയായിരുന്നു. എന്നാല്‍ ഗ്രൂപ്പ് ചാമ്പ്യന്മാരായ അഞ്ച് ടീമുകള്‍ക്ക് ഒപ്പം മികച്ച റാങ്കിംഗുള്ള രണ്ട് ടീമുകള്‍ക്ക് കൂടി നേരിട്ട് അവസരം ലഭിച്ചപ്പോള്‍ ഉത്തര്‍ പ്രദേശും കേരളവും റണ്‍ റേറ്റിന്റെ ബലത്തില്‍ ക്വാര്‍ട്ടറിലേക്ക് യോഗ്യത നേടി.
ഡല്‍ഹിയെയും ബറോഡയെയും പിന്തള്ളിയാണ് കേരളം ക്വാര്‍ട്ടറിലേക്ക് കടന്നത്. ഡല്‍ഹിയ്ക്ക് എലിമിനേറ്ററില്‍ ഒരു അവസരം കൂടി ലഭിയ്ക്കും. ക്വാര്‍ട്ടര്‍ ഫൈനല്‍ ഫിക്സ്ച്ചറുകള്‍ ബിസിസിഐ പുറത്ത് വിട്ടിട്ടില്ല.
