ജയം തുടർന്ന് ഹോളണ്ട്, വെയിൽസിനെ വീഴ്ത്തിയതിനു 94 മത്തെ മിനിറ്റിലെ ഗോളിൽ

Screenshot 20220609 043402

യുഫേഫ നേഷൻസ് ലീഗിൽ ജയം തുടർന്ന് ഹോളണ്ട്. വെയിൽസിനെ ഒന്നിനെതിരെ രണ്ടു ഗോളുകൾക്ക് ആണ് ഡച്ച് പട ഇന്ന് മറികടന്നത്. ഹോളണ്ടിനു നേരിയ ആധിപത്യം ഉണ്ടായിരുന്നു എങ്കിലും മത്സരത്തിൽ ഏതാണ്ട് സമാസമം ആയിരുന്നു ഇരു ടീമുകളും. ഗോൾ രഹിതമായ ആദ്യ പകുതിക്ക് ശേഷം രണ്ടാം പകുതിയിൽ 50 മത്തെ മിനിറ്റിൽ ഹോളണ്ട് ആണ് മത്സരത്തിൽ മുന്നിൽ എത്തിയത്.

Screenshot 20220609 043303

ജേർഡി സ്‌കൂട്ടന്റെ പാസിൽ നിന്നു കൂപ്മെയിനെർസ് ആണ് ഹോളണ്ടിനു ഗോൾ സമ്മാനിച്ചത്. ഇഞ്ച്വറി സമയത്ത് 92 മത്തെ മിനിറ്റിൽ കോണർ റോബർട്ട്സന്റെ ഉഗ്രൻ ക്രോസിൽ നിന്നു മികച്ച ഹെഡറിലൂടെ റൈസ് നോറിങ്റ്റൻ ഡേവിസ് ആതിഥേയർക്ക് സമനില ഗോൾ സമ്മാനിച്ചു. താരത്തിന്റെ രാജ്യത്തിനു ആയുള്ള ആദ്യ ഗോൾ ആയിരുന്നു ഇത്. വെയിൽസ് സമനില ഉറപ്പിച്ച സമയത്ത് എന്നാൽ രണ്ടു മിനിറ്റിനുള്ളിൽ തന്നെ ഹോളണ്ട് ഗോൾ തിരിച്ചടിച്ചു. ടൈറൽ മലാസിയയുടെ ക്രോസിൽ നിന്നു ശക്തമായ ഹെഡറിലൂടെ വോട്ട് വെഗ്ഹോർസ്റ്റ് തുടർച്ചയായ രണ്ടാം മത്സരത്തിലും ഓറഞ്ചു പടക്ക് വിജയം സമ്മാനിക്കുക ആയിരുന്നു.

Previous articleപോളണ്ടിനു മേൽ ആറാടി ബെൽജിയം, വമ്പൻ ജയം
Next articleമൊറാട്ടയെ ടീമിൽ നിലനിർത്താൻ യുവന്റസ് അത്ലറ്റിക്കോ മാഡ്രിഡുമായി ചർച്ച നടത്തുന്നു