പാക്കിസ്ഥാന്‍ ബൗളര്‍മാരുടെ തകര്‍പ്പന്‍ ഓപ്പണിംഗ് സ്പെല്ലിനിടെ പിടിച്ച് നിന്ന് 35 റൺസ് നേടിയ വിരാട് കോഹ്‍ലിയുടെ ഇന്നിംഗ്സ് വളരെ നിര്‍ണ്ണായകമായിരുന്നുവെന്ന് പറഞ്ഞ് വസീം ജാഫര്‍. ഇന്ത്യയുടെ 2 പന്ത് അവശേഷിക്കെയുള്ള 5 വിക്കറ്റ് വിജയത്തിൽ ഏറെ പ്രഭാവമുള്ളതാണ് കോഹ്‍ലി നേടിയ 35 റൺസെന്നാണ് വസീം ജാഫര്‍ വ്യക്തമാക്കിയത്.
പാക്കിസ്ഥാന്‍ ക്യാച്ച് കൈവിട്ട ശേഷം കോഹ്‍ലി മികച്ച ടച്ചിലാണ് ബാറ്റ് വീശിയത്. ഒരു ഘട്ടത്തിൽ ഇന്ത്യയുടെ വിജയം കോഹ്‍ലിയുടെ ബാറ്റിൽ നിന്ന് തന്നെ പിറക്കുമെന്ന പ്രതീതി ജനിപ്പിച്ചുവെങ്കിലും താരം 35 റൺസിന് ശേഷം പുറത്താകുകയായിരുന്നു.
വിരാട് കോഹ്‍ലി ഒരു ഇടവേളയ്ക്ക് ശേഷം ആണ് വീണ്ടും ക്രിക്കറ്റിലേക്ക് വരുന്നതെന്നും നമ്മള്‍ ഓര്‍ക്കേണ്ടതുണ്ടെന്നും വസീം ജാഫര്‍ കൂട്ടിചേര്‍ത്തു.
