ടി20 പരമ്പരയിൽ ഇംഗ്ലണ്ടിനെ വീഴ്ത്തി ദക്ഷിണാഫ്രിക്ക. ഇന്ന് മൂന്നാമത്തെയും നിര്‍ണ്ണായകമായ അവസാനത്തെയും മത്സരത്തിൽ ആദ്യം ബാറ്റ് ചെയ്ത ദക്ഷിണാഫ്രിക്ക 191 റൺസ് നേടിയപ്പോള്‍ ഇംഗ്ലണ്ടിനെ 101 റൺസിലൊതുക്കി 90 റൺസിന്റെ തകര്‍പ്പന്‍ വിജയം ആണ് ദക്ഷിണാഫ്രിക്ക സ്വന്തമാക്കിയത്.
ലിയാം ലിവിംഗ്സ്റ്റണിനെയും പിന്നീടുള്ള നാല് വിക്കറ്റുകള്‍ തബ്രൈസ് ഷംസി നേടിയപ്പോള്‍ നേരത്തെ തുടക്കം തന്നെ ഇംഗ്ലണ്ടിന് പാളിയിരുന്നു. 59/4 എന്ന നിലയിലേക്ക് കേശവ് മഹാരാജും പേസര്‍മാരും ഇംഗ്ലണ്ടിനെ തള്ളിയിട്ടിരുന്നു.
അവസാന വിക്കറ്റായി വീണ ജോണി ബൈര്‍സ്റ്റോ 27 റൺസുമായി പൊരുതി നോക്കിയെങ്കിലും വലിയ നാണക്കേടിൽ നിന്ന് ടീമിനെ രക്ഷിയ്ക്കുവാന്‍ താരത്തിനും സാധിച്ചില്ല. 16.4 ഓവറിലാണ് ഇംഗ്ലണ്ട് ഓള്‍ഔട്ട് ആയത്.
