ഹെപ്റ്റാത്തലണില്‍ നിന്ന് ഇന്ത്യയ്ക്ക് ഗെയിംസിലെ 11 ാം സ്വര്‍ണ്ണം. അവസാന മത്സരയിനമായ 800 മീറ്ററില്‍ ചൈനീസ് താരത്തിനെക്കാള്‍ മുന്നില്‍ റേസ് അവസാനിപ്പിച്ചത് വഴി ഇന്ത്യയുടെ സ്വപ്ന ബര്‍മ്മന്‍ തന്റെ സ്വര്‍ണ്ണ നേട്ടം ഉറപ്പാക്കുകയായിരുന്നു. രണ്ടാം ഹീറ്റ്സില്‍ നാലാം സ്ഥാനത്ത് അവസാനിപ്പിച്ചത് വഴി 808 പോയിന്റാണ് ബര്‍മ്മന്‍ സ്വന്തമാക്കിയത്.
ഇന്ത്യയുടെ പൂര്‍ണ്ണിമ ഹെംബ്രാം ഹീറ്റ്സില്‍ മൂന്നാം സ്ഥാനത്തെത്തി. വെള്ളി മെഡല്‍ ജേതാവായ ചൈനീസ് താരം കിംഗ്ലിംഗ് വാംഗ് ഹീറ്റ്സില്‍ അവസാന സ്ഥാനക്കാരിയായ മത്സരം പൂര്‍ത്തിയാക്കി.
