ശിഖര്‍ ധവാനെ ഡല്‍ഹി ഡെയര്‍ ഡെവിള്‍സിനു കൈമാറ്റം നടത്തി സണ്‍റൈസേഴ്സ് ഹൈദ്രാബാദ്. പകരം വിജയ് ശങ്കര്‍, ഷഹ്ബാസ് നദീം, അഭിഷേക് ശര്‍മ്മ എന്നിങ്ങനെ മൂന്ന് താരങ്ങളെയാണ് ഡല്‍ഹിയില്‍ നിന്ന് സണ്‍റൈസേഴ്സ് സ്വീകരിച്ചത്. ആദ്യ സീസണില്‍ ഡല്‍ഹിയ്ക്കൊപ്പമുണ്ടായിരുന്ന ശിഖറിന്റെ സ്വന്തം നാട് കൂടിയാണ് ഡല്‍ഹി എന്നത് താരത്തിനു നാട്ടിലേക്കുള്ള മടക്കമായി വേണം കരുതുവാന്‍.
2013 മുതല്‍ ഹൈദ്രാബാദിനൊപ്പമുള്ള ശിഖര്‍ ധവാന്‍ 91 ഇന്നിംഗ്സുകളില്‍ നിന്ന് 2768 റണ്‍സാണ് ദക്ഷിണേന്ത്യന്‍ ഐപിഎല്‍ ഫ്രാഞ്ചൈസിയ്ക്കായി നേടിയിട്ടുള്ളത്. ടീമിന്റെ ടോപ് സ്കോറര്‍ കൂടിയാണ് ശിഖര്‍ ധവാന്‍.
