കരിയറിന്റെ അവസാന കാലത്ത് ഒരു ക്ലബ്ബിൽ ഫുട്‌ബോൾ ആസ്വദിച്ചു കളിച്ചു ഒരുമിച്ച് വിരമിക്കാൻ താനും മെസ്സിയും നെയ്മറും മുമ്പ് ധാരണയിൽ എത്തിയത് ആയി പറഞ്ഞു ലൂയിസ് സുവാരസ്. പരസ്പരം കളിക്കുന്നത് ഇഷ്ടപ്പെടുന്ന തങ്ങൾ ഒരുമിച്ച് ആസ്വദിച്ചു കളിച്ചു അവസാന കാലം ഒരു ക്ലബ്ബിൽ വച്ചു വിരമിക്കാൻ ആയാണ് തീരുമാനിച്ചത് എന്നും സുവാരസ് പറഞ്ഞു.
ആ പ്രതീക്ഷ യാഥാർത്ഥ്യം ആവും എന്ന പ്രത്യാശ തങ്ങൾക്ക് ഉണ്ടായിരുന്നു എന്നും ഉറുഗ്വേ മുന്നേറ്റനിര താരം പറഞ്ഞു. നിലവിൽ തനിക്ക് നെയ്മറിന്റെ കാര്യം അറിയില്ല എങ്കിലും താനും മെസ്സിയും ഉറപ്പായിട്ടും കരിയറിന്റെ അവസാന കാലത്ത് ഒരു ക്ലബ്ബിൽ ഒരുമിച്ച് കളിച്ചു വിരമിക്കും എന്ന കാര്യം ഉറപ്പാണ് എന്നും സുവാരസ് കൂട്ടിച്ചേർത്തു. നിലവിൽ മെസ്സിക്ക് പിന്നാലെ സുവാരസും മേജർ ലീഗ് സോക്കർ ഇന്റർ മയാമിയിൽ എത്തും എന്ന സൂചനകൾ ഉണ്ട്.
