ടോട്ടനത്തെ ഞെട്ടിച്ച് ന്യൂകാസിൽ യുണൈറ്റഡ്

Picsart 22 10 23 22 56 28 620

ഇംഗ്ലീഷ് പ്രീമിയർ ലീഗിൽ കോണ്ടെയുടെ സ്പർസിന് തുടർച്ചയായ രണ്ടാം പരാജയം. ഇന്ന് ലണ്ടണിൽ സ്പർസിന്റെ ഹോം ഗ്രൗണ്ടിൽ നടന്ന മത്സരത്തിൽ ഒന്നിനെതിരെ രണ്ടു ഗോളുകൾക്കാണ് ന്യൂകാസിൽ
കോണ്ടെയുടെ ടീമിനെ പരാജയപ്പെടുത്തിയത്. ആദ്യ പകുതിയിൽ ആയിരുന്നു ന്യൂകാസിലിന്റെ രണ്ടു ഗോളുകൾ വന്നത്. 31ആം മിനുട്ടിൽ ഗോൾ ലൈൻ വിട്ടു വന്ന ലോരിസിന് പറ്റിയ പിഴവ് മുതലെടുത്ത് ഒരു ലോംഗ് റേഞ്ചറിലൂടെ കാലം വിൽസൺ ആണ് ന്യൂകാസിലിന് ലീഡ് നൽകിയത്.

Picsart 22 10 23 22 56 39 335

നാൽപ്പതാം മിനുട്ടിൽ ആൽമിറോണിലൂടെ ന്യൂകാസിൽ യുണൈറ്റഡ് ലീഡ് ഇരട്ടിയാക്കി. ലോങ്സ്റ്റഫിന്റെ പാസു സ്വീകരിച്ച് മുന്നേറി ആയിരുന്നു ആൽമിറോനിന്റെ ഫിനിഷ്.

രണ്ടാം പകുതിയിൽ കെയ്നിലൂടെ ഒരു ഗോൾ സ്പർസ് മടക്കി എങ്കിലും പരാജയം ഒഴിവാക്കാൻ അവർക്ക് ആയില്ല. 12 മത്സരങ്ങളിൽ നിന്ന് 23 പോയിന്റുമായി സ്പർസ് ഇപ്പോഴും മൂന്നാമതാണ് ഉള്ളത്. 21 പോയിന്റുമായി ന്യൂകാസിൽ ലീഗിൽ നാലാമതും എത്തി.