കൗണ്ടി സീസണിന്റെ അവസാനത്തോടെ മൂന്ന് മത്സരങ്ങളിൽ വാര്‍വിക്ക്ഷയറിനായി ഇന്ത്യയുടെ മുഹമ്മദ് സിറാജ് കളിക്കും. നിലവിൽ ഇന്ത്യന്‍ ടീമിനൊപ്പം സിംബാബ്‍വേ ഏകദിന പരമ്പരയ്ക്കായുള്ള ടീമിന്റെ ഭാഗമാണ് സിറാജ്. ഓഗസ്റ്റ് 22ന് ഈ പരമ്പര അവസാനിക്കും.
സെപ്റ്റംബര്‍ 12ന് ആണ് വാര്‍വിക്ക്ഷയറിന്റെ അടുത്ത കൗണ്ടി മത്സരം. എഡ്ജ്ബാസ്റ്റണിൽ നടക്കുന്ന മത്സരത്തിൽ സോമര്‍സെറ്റാണ് എതിരാളികള്‍. ഈ സീസണിൽ കൗണ്ടി കളിക്കുന്ന ആറാമത്തെ ഇന്ത്യന്‍ താരമാവും സിറാജ്. ടീമിന്റെ 50 ഓവര്‍ സ്ക്വാഡിൽ ക്രുണാൽ പാണ്ഡ്യയും അംഗമാണ്.
ചേതേശ്വര്‍ പുജാര, ഉമേഷ് യാദവ്, നവ്ദീപ് സൈനി, വാഷിംഗ്ടൺ സുന്ദര്‍ എന്നിവരാണ് ഈ സീസണിൽ കൗണ്ടി കളിച്ച മറ്റു ഇന്ത്യന്‍ താരങ്ങള്‍.
Story Highlights: Mohammed Siraj to play for Warwickshire CC at the end of the county season.
