ഇന്ത്യയ്ക്ക് ബാറ്റിംഗ് തകര്‍ച്ച, നൂറ് കടത്തിയത് വാലറ്റത്തില്‍ ശിഖ പാണ്ടേയുടെ പോരാട്ട വീര്യം

- Advertisement -

ലോക വനിത ടി20യുടെ ഭാഗമായുള്ള സന്നാഹ മത്സരത്തില്‍ ഇന്ത്യയ്ക്ക് ബാറ്റിംഗ് തകര്‍ച്ച. വിന്‍ഡീസിനെതിരെ ആദ്യം ബാറ്റ് ചെയ്ത ഇന്ത്യയ്ക്ക് 20 ഓവറില്‍ 8 വിക്കറ്റ് നഷ്ടത്തില്‍ 107 റണ്‍സ് മാത്രമേ നേടാനായുള്ളു. 16 പന്തില്‍ പുറത്താകാതെ 24 റണ്‍സ് നേടിയ ശിഖ പാണ്ടേ വാലറ്റത്തില്‍ പൊരുതി നിന്നാണ് ഇന്ത്യയുടെ സ്കോര്‍ നൂറ് കടത്തിയത്. 80/8 എന്ന് നിലയില്‍ ഇന്ത്യ നൂറിന് താഴെ ഓള്‍ഔട്ട് ആകുമെന്നാണ് കരുതിയതെങ്കിലും 9ാം വിക്കറ്റില്‍ ശിഖയും പൂനം യാദവും ചേര്‍ന്ന് 27 റണ്‍സാണ് കൂട്ടിചേര്‍ത്തത്. ഇതില്‍ പൂനം യാദവ് നേടിയത് 4 റണ്‍സായിരുന്നു.

ദീപ്തി ശര്‍മ്മയാണ് ടീമിലെ രണ്ടാമത്തെ ടോപ് സ്കോറര്‍. 21 റണ്‍സാണ് ദീപ്തി നേടിയത്. വിന്‍ഡീസിനായി അനീസ മുഹമ്മദ്, ഷാമിലിയ കോന്നെല്‍ എന്നിവര്‍ രണ്ട് വീതം വിക്കറ്റ് നേടി.

Advertisement