ലസിത് മലിംഗ ബൗളിംഗിനെ വളരെ ലളിതമായാണ് അവതരിപ്പിക്കുന്നതെന്ന് പറഞ്ഞ് രാജസ്ഥാന്‍ റോയൽസ് നായകന്‍ സഞ്ജു സാംസൺ. ലോകത്ത് രണ്ട് തരം ബാറ്റ്സ്മാന്മാര്‍ മാത്രമാണുള്ളതെന്നാണ് ലസിതിന്റെ കാഴ്ചപ്പാടെന്ന് സഞ്ജു പറഞ്ഞു – അത് വലംകൈയ്യന്‍ ബാറ്റിംഗ് താരവും ഇടം കൈയ്യന്‍ താരവും ആണെന്ന് ആണ് മലിംഗ് പറയുന്നത്.
ഈ രണ്ട് ബാറ്റിംഗ് ശൈലിയ്ക്കെതിരെ ബൗള്‍ ചെയ്യുവാന്‍ മാത്രമാണ് നിങ്ങള്‍ പഠിക്കേണ്ടതെന്നാണ് ലസിത് ബൗളര്‍മാരോട് പറയുന്നതെന്നും സഞ്ജു പറഞ്ഞു. ലസിത് ഫ്രാഞ്ചൈസിയ്ക്ക് കൂടുതൽ മികവ് നല്‍കുകയാണെന്നും ക്യാപ്റ്റനെന്ന നിലയിൽ തനിക്കും കാര്യങ്ങള്‍ എളുപ്പമാകുകയാണെന്നും സഞ്ജു വ്യക്തമാക്കി.
