ബാഡ്മിന്റൺ ലോക ചാമ്പ്യന്‍ഷിപ്പിന്റെ പ്രീക്വാര്‍ട്ടറിൽ ഇന്ത്യയുടെ സൈന നെഹ്‍വാലിന് തോൽവി. ഇന്ന് ലോക റാങ്കിംഗിൽ 12ാം സ്ഥാനത്തുള്ള തായ്‍ലാന്‍ഡിന്റെ ബുസനന്‍ ഓംഗ്ബാംറുംഗ്ഫാനിനോട് മൂന്ന് ഗെയിം പോരാട്ടത്തിനൊടുവിൽ ഇന്ത്യന്‍ താരം പൊരുതി വീഴുകയായിരുന്നു.
ആദ്യ ഗെയിമിൽ പിന്നിൽ പോയ സൈന രണ്ടാം ഗെയിമിൽ ശക്തമായ തിരിച്ചുവരവ് നടത്തിയെങ്കിലും തായ്‍ലാന്‍ഡ് താരം മൂന്നാം ഗെയിമിൽ അതി ഗംഭീര പ്രകടനം പുറത്തെടുത്ത് ക്വാര്‍ട്ടര്‍ ഉറപ്പാക്കി.
സ്കോര്‍: 17-21, 21-16, 13-21
