മുംബൈ സിറ്റി എഫ്‌സി മിഡ്ഫീൽഡർ റൗളിൻ ബോർഗെസിന് ഈ സീസൺ പൂർണ്ണമായും നഷ്ടപ്പെടും. കാൽമുട്ടിനേറ്റ പരിക്കിനെത്തുടർന്ന് ഹീറോ ഇന്ത്യൻ സൂപ്പർ ലീഗ് (ഐ‌എസ്‌എൽ) 2021-22 കാമ്പെയ്‌നിന്റെ ബാക്കി ഭാഗങ്ങളിൽ താരം ഉണ്ടാകില്ല എന്ന് നിലവിൽർ ചാമ്പ്യന്മാർ വ്യാഴാഴ്ച അവരുടെ വെബ്‌സൈറ്റിൽ ഒരു പ്രസ്താവനയിലൂടെ സ്ഥിരീകരിച്ചു.
“വൈസ് ക്യാപ്റ്റൻ റൗളിൻ ബോർഗെസിന്റെ കാൽമുട്ടിന് പരിക്ക് മാറിയില എന്നും 2021-22 സീസണിന്റെ ശേഷിക്കുന്ന മത്സരങ്ങൾ നഷ്ടമാകുമെന്നും മുംബൈ സിറ്റിക്ക് സ്ഥിരീകരിക്കാൻ കഴിയും. 29 കാരനായ മിഡ്ഫീൽഡർ സുഖം പ്രാപിക്കുകയും ക്ലബ്ബിനൊപ്പം തന്റെ പുനരധിവാസം തുടരുകയും ചെയ്യും. ” ക്ലബ്ബിന്റെ പ്രസ്താവനയിൽ പറയുന്നു.
.“റൗളിൻ വേഗത്തിൽ സുഖം പ്രാപിക്കട്ടെയെന്ന് ഞങ്ങൾ ആശംസിക്കുന്നു, അദ്ദേഹത്ത്ർ ഉടൻ കളിക്കളത്തിൽ കാണുമെന്ന് പ്രതീക്ഷിക്കുന്നു,” എന്നും പ്രസ്താവന പറയുന്നു.
കേരള ബ്ലാസ്റ്റേഴ്സിനെതിരെ നേരിടാൻ ഒരുങ്ങുന്ന മുംബൈ സിറ്റിക്ക് വലിയ തിരിച്ചടിയാകും ഇത്.
