വിജയത്തുടക്കം കുറിച്ച് അഫ്ഗാനിസ്ഥാന്‍, ശ്രീലങ്കയെ തകര്‍ത്തത് 8 വിക്കറ്റിന്

ഏഷ്യ കപ്പ് 2022ൽ വിജയത്തുടക്കവുമായി അഫ്ഗാനിസ്ഥാന്‍. ഇന്ന് ടൂര്‍ണ്ണമെന്റിലെ ആദ്യ മത്സരത്തിൽ ശ്രീലങ്കയെ 105 റൺസിനെറി‍ഞ്ഞൊതുക്കിയ ശേഷം അഫ്ഗാനിസ്ഥാന്‍ 8 വിക്കറ്റ് വിജയം ആണ് നേടിയത്.

10.1 ഓവറിൽ വെറും 2 വിക്കറ്റ് നഷ്ടത്തിൽ അഫ്ഗാനിസ്ഥാന്‍ വിജയം നേടിയപ്പോ‍ള്‍ 18 പന്തിൽ 40 റൺസ് നേടിയ റഹ്മാനുള്ള ഗുര്‍ബാസ് ആണ് ടോപ് ഓര്‍ഡറിൽ കസറിയത്. ഹസ്രത്തുള്ള സാസായി പുറത്താകാതെ 37 റൺസും ഇബ്രാഹിം സദ്രാന്‍ 15 റൺസും നേടി.