ഇന്ത്യയ്ക്ക് വേണ്ടി വെസ്റ്റിന്‍ഡീസ് പരമ്പരയിൽ മികച്ച പ്രകടനം പുറത്തെടുത്ത പ്രസിദ്ധ് കൃഷ്ണയെ 10 കോടി രൂപയ്ക്കാണ് രാജസ്ഥാൻ റോയൽസ് സ്വന്തമാക്കിയത്. 1 കോടി രൂപയായിരുന്നു താരത്തിന്റെ അടിസ്ഥാന വില.
ആദ്യം താല്പര്യമറിയിച്ചത് ലക്നൗ സൂപ്പര്‍ ജയന്റ്സ് ആയിരുന്നു. ഉടന്‍ തന്നെ രാജസ്ഥാനും രംഗത്തെത്തി. ലക്നൗ പിന്മാറിയപ്പോള്‍ രാജസ്ഥാന്‍ റോയൽസിനെതിരെ ലേലത്തിൽ ഗുജറാത്ത് ടൈറ്റന്‍സ് ആണ് രംഗത്തെത്തിയത്. ഏതാനും റൗണ്ട് കഴിഞ്ഞ് ഗുജറാത്ത് പിന്മാറിയപ്പോള്‍ ലക്നൗ വീണ്ടും രംഗത്തെത്തി രാജസ്ഥാനുമായി ലേലത്തിൽ ഏര്‍പ്പെട്ടു.
ഒടുവിൽ 10 കോടി വില നല്‍കുവാന്‍ രാജസ്ഥാന്‍ തയ്യാറായതോടെ ലക്നൗ പിന്മാറുകയായിരുന്നു. കഴിഞ്ഞ സീസണിൽ കൊല്‍ക്കത്ത നൈറ്റ് റൈഡേഴ്സിന് വേണ്ടിയാണ് താരം കളിച്ചിരുന്നത്.
