ഏഴ് പുതിയ കേസുകള്‍ റിപ്പോര്‍ട്ട് ചെയ്തതോടെ പാക്കിസ്ഥാന്‍ സൂപ്പര്‍ ലീഗ് മാറ്റി വയ്ക്കുവാന്‍ തീരുമാനം. ആദ്യം ഡാനിയേല്‍ ക്രിസ്റ്റ്യന്‍ ടൂര്‍ണ്ണമെന്റില്‍ നിന്ന് പിന്മാറുകയാണ് എന്ന് വിവരം പാക്കിസ്ഥാന്‍ ക്രിക്കറ്റ് ബോര്‍ഡ് പുറത്ത് വിട്ടിരുന്നു. അതിന് ശേഷം ലഭിച്ച ഏറ്റവും പുതിയ വിവരപ്രകാരം ടൂര്‍ണ്ണമെന്റ് മാറ്റി വയ്ക്കുവാന്‍ ഫ്രാഞ്ചൈസികളുമായുള്ള മീറ്റിംഗിന് ശേഷം പാക്കിസ്ഥാന്‍ ക്രിക്കറ്റ് ബോര്‍ഡ് തീരുമാനിക്കുകയായിരുന്നു.
കഴിഞ്ഞ ഏതാനും ദിവസങ്ങളിലായി പത്തോളം താരങ്ങള്‍ക്കാണ് ടൂര്‍ണ്ണമെന്റിനിടെ കോവിഡ് സ്ഥിരീകരിച്ചത്. ഇതിനെത്തുടര്‍ന്ന് ഡാനിയേല്‍ ക്രിസ്റ്റ്യന്‍ പിന്മാറുകയാണെന്ന് തുറന്ന് പറഞ്ഞിരുന്നു. അതിന് പിന്നാലെ കൂടുതല്‍ വിദേശ താരങ്ങള്‍ ഇത്തരത്തില്‍ ടൂര്‍ണ്ണമെന്റ് ഉപേക്ഷിക്കണം അല്ലേല്‍ മാറ്റി വയ്ക്കണമെന്ന ആവശ്യവുമായി മുന്നോട്ട് വന്നിട്ടുണ്ടെന്നാണ് അറിഞ്ഞത്.
ഈ സമയത്ത് ടൂര്‍ണ്ണമെന്റ് നടത്തുന്നത് മനുഷ്യ ജീവനുകളുടെ വിലയെ കരുതി ഒഴിവാക്കേണ്ട ഒരു കാര്യമാണെന്നാണ് തങ്ങള്‍ക്ക് പറയുവാനുള്ളതെന്ന് കറാച്ചി കിംഗ്സ് അറിയിച്ചു.
