ചാമ്പ്യൻസ് ട്രോഫി; സ്ലോ ഓവർ റേറ്റിന് പാകിസ്ഥാന് പിഴ

കറാച്ചിയിൽ ന്യൂസിലൻഡിനെതിരായ ഐസിസി ചാമ്പ്യൻസ് ട്രോഫിയിലെ ഓപ്പണർ മത്സരത്തിൽ സ്ലോ ഓവർ റേറ്റ് നിലനിർത്തിയതിന് പാകിസ്ഥാന് മാച്ച് ഫീയുടെ അഞ്ച് ശതമാനം പിഴ ചുമത്തി. പാകിസ്താൻ നിശ്ചിത സമയത്ത് ഒരു ഓവർ കുറവാണ് എറിഞ്ഞത് എന്ന് ഐ സി സി കണ്ടെത്തി.

വാദം കേൾക്കാതെ തന്നെ പാകിസ്ഥാൻ ക്യാപ്റ്റൻ മുഹമ്മദ് റിസ്വാൻ പിഴ സ്വീകരിക്കാൻ തയ്യാറായി. ഐസിസി പെരുമാറ്റച്ചട്ടത്തിലെ ആർട്ടിക്കിൾ 2.22 അനുസരിച്ച്, നിശ്ചിത സമയത്ത് ഓവറുകൾ പൂർത്തിയാക്കാത്ത ടീമുകൾക്ക് ഓരോ ഓവറിനും മാച്ച് ഫീയുടെ അഞ്ച് ശതമാനം പിഴ ചുമത്തും.