യുവേഫ പ്ലയർ ഓഫ് ദി ഇയർ പുരസ്കാരത്തിനിള്ള നോമിനേഷൻ പ്രഖ്യാപിച്ചു. മാഞ്ചസ്റ്റർ സിറ്റിയുടെ കെവിൻ ഡി ബ്രൂയ്ൻ, റയൽ മാഡ്രിഡ് താരങ്ങളായ കരീം ബെൻസീമ, കോർത്തോ എന്നിവർ ആണ് അവാർഡിനായി പരിഗണിക്കപ്പെടുന്ന മൂന്ന് പേർ. ഓഗസ്റ്റ് 25ന് ആണ് വിജയികളെ പ്രഖ്യാപിക്കുക.
ഗോൾകീപ്പർ കോർത്തോയും ബെൻസിമയും ചാമ്പ്യൻസ് ലീഗും ലാലിഗയും കഴിഞ്ഞ സീസണിൽ നേടിയിരുന്നു. 2021-22 യുവേഫ ചാമ്പ്യൻസ് ലീഗ് പ്ലെയർ ഓഫ് ദി സീസൺ ആയിരുന്നു ബെൻസീമ. ചാമ്പ്യൻസ് ലീഗ് ഫൈനലിലെ പ്ലെയർ ഓഫ് ദി മാച്ചായിരുന്നു കോർത്തോ.
സിറ്റിക്ക് ഒപ്പം ലീഗ് കിരീടം നേടിയ ഡി ബ്രുയിൻ 2021-22 പ്രീമിയർ ലീഗ് പ്ലെയർ ഓഫ് ദി സീസൺ അവാർശ് നേടിയിരുന്നു. പി എസ് ജിയുടെ എംബാപ്പെ, റോമയുടെ ലോറെൻസോ പെല്ലെഗ്രിനി, ബയേൺ മ്യൂണിക്കിന്റെ സാഡിയോ മാനെ, ലിവർപൂളിന്റെ വാൻ ഡൈക്, മുഹമ്മദ് സലാ, ട്രെന്റ് അലക്സാണ്ടർ-അർനോൾഡ് എന്നിവരുൾപ്പെട്ട 15 കളിക്കാരുടെ പട്ടികയിൽ നിന്നാണ് ഇപ്പോൾ മൂന്ന് പേരിലേക്ക് എത്തിയത്.
റയലിന്റെ കാർലോ ആഞ്ചലോട്ടി, സിറ്റിയുടെ പെപ് ഗാർഡിയോള, ലിവർപൂളിന്റെ ക്ലോപ്പ് എന്നിവർ പുരുഷ മാനേജർ ഓഫ് ദ ഇയർ അവാർഡിനുള്ള ഷോർട്ട്ലിസ്റ്റിൽ ഉണ്ട്.
Story Highlight:Nominees for UEFA Men’s Player of the Year for 2021-22:
▪️ Karim Benzema
▪️ Thibaut Courtois
▪️ Kevin De Bruyne
