നിദ ദാറിന് അര്‍ദ്ധ ശതകം, ഇന്ത്യയ്ക്കെതിരെ 137 റൺസ് നേടി പാക്കിസ്ഥാന്‍

തായ്‍ലാന്‍ഡിനോടേറ്റ അപ്രതീക്ഷിത തോൽവിയ്ക്ക് ശേഷം ഇന്ത്യയ്ക്കെതിരെ ആദ്യം ബാറ്റ് ചെയ്ത് 137 റൺസ് നേടി പാക്കിസ്ഥാന്‍. ഇന്ന് മത്സരത്തിൽ ടോസ് നേടി ബാറ്റിംഗ് തിരഞ്ഞെടുത്ത ടീമിന് വേണ്ടി നിദ ദാര്‍ 37 പന്തിൽ നിന്ന് 56 റൺസ് നേടിയാണ് ടീമിനെ മുന്നോട്ട് നയിച്ചത്.

32 റൺസ് നേടിയ ബിസ്മ മാറൂഫ് ആണ് മറ്റൊരു പ്രധാന സ്കോറര്‍. ഇന്ത്യയ്ക്ക് വേണ്ടി ദീപ്തി ശര്‍മ്മ മൂന്നും പൂജ വസ്ട്രാക്കര്‍ രണ്ട്  വിക്കറ്റും നേടി.