ലോകകപ്പ് സന്തോഷം അവസാനിക്കുന്നില്ല. ലോകകപ്പ് നേടിയ അർജന്റീന ടീം അംഗങ്ങൾക്കും സ്റ്റാഫിനും ഗോൾഡൻ ഐ ഫോൺ സമ്മാനമായി നൽകാനൊരുങ്ങി സൂപ്പർ താരം ലയണൽ മെസ്സി. സൺ റിപ്പോർട്ട് ചെയ്യുന്നതനുസരിച്ച് 24 കാരറ്റ് ഗോൾഡൺ ഐ ഫോണുകൾ മെസ്സിക്ക് വേണ്ടി പാരിസീൽ എത്തിക്കഴിഞ്ഞു. ലോകകപ്പ് നേടി ചരിത്രമെഴുതിയ അർജന്റീനയുടെ താരങ്ങൾക്കും സ്റ്റാഫിനും അടക്കം 35 ഐ ഫോണുകളാണ് തയ്യാറായിരിക്കുന്നത്. ഐ ഗോൾഡ് ഡിസൈൻ പാട്രിക്ക് ഗ്രൂപ്പുമായി സഹകരിച്ചാണ് ഫോണുകൾ ഉണ്ടാക്കിയത്.
താരങ്ങളുടെ പേരും നമ്പറും അർജന്റീന ദേശീയ ടീമിന്റെ ലോഗോയും ഉൾപ്പെടുന്നതാണ് ഈ സ്പെഷൽ ഐ ഫോൺ. ലോകകപ്പ് ജയത്തിന്റെ ഓർമ്മയ്ക്കായിട്ടാണ് ലയണൽ മെസ്സി, ഗോൾഡൺ ഐ ഫോണുകൾ ലോകകപ്പ് ജയം നേടിയ ടീമിനായി സമ്മാനിക്കുന്നത്.
പുറത്ത് വരുന്ന റിപ്പോർട്ടുകൾ അനുസരിച്ച് രണ്ട് കോടിയോളം രൂപ മുടക്കിയാണ് മെസ്സി ഗോൾഡൻ ഐ ഫോണുകൾ സഹതാരങ്ങൾക്ക് നൽകുന്നത്. ഫ്രാൻസിനെ പെനാൽറ്റി ഷൂട്ട് ഔട്ടിൽ 4-2ന് പരാജയപ്പെടുത്തിയാണ് ഖത്തർ ലോകകപ്പ് അർജന്റീന ഉയർത്തിയത്‌.
