എംബപ്പെയുടെ ചിറകിലേറി ഫ്രാൻസ് പ്രീക്വാർട്ടറിലേക്ക്

Newsroom

20221126 232108
Download the Fanport app now!
Appstore Badge
Google Play Badge 1

ഗ്രൂപ്പ് ഡിയിലെ നിർണായക മത്സരത്തിൽ ഡെന്മാർക്കിനെ പരാജയപ്പെടുത്തി കൊണ്ട് ഫ്രാൻസ് പ്രീക്വാർട്ടർ യോഗ്യത ഉറപ്പിച്ചു. ഇന്ന് ഒന്നിനെതിരെ രണ്ടു ഗോളുകൾക്കാണ് ഫ്രാൻസ് ഡെന്മാർക്കിനെ പരാജയപ്പെടുത്തിയത്. എംബപ്പെയുടെ ഇരട്ട ഗോളുകൾ ആണ് ഫ്രാൻസിന് വിജയത്തിൽ കരുത്തായത്‌.

Picsart 22 11 26 22 08 22 877

ഫ്രാൻസ് ഇന്ന് ഡെന്മാർക്കിനെതിരെ അത്ര വേഗത്തിൽ അല്ല തുടങ്ങിയത്. ഡെന്മാർക്ക് അത്ര ചെറിയ ടീം അല്ലാത്തത് കൊണ്ട് തന്നെ അവർ അധികം പ്രസ് ചെയ്യാതെ കരുതലോടെ ആണ് തുടങ്ങിയത്. എംബാപ്പെയുടെ പേസ് ഇടക്ക് ഡെന്മാർക്ക് വെല്ലുവിളി ആയി. 20ആം മിനുട്ടിൽ ഡെംബലെയുടെ ഒരു ക്രോസ് റാബിയോ ഹെഡ് ചെയ്തു എങ്കിലും കാസ്പർ ഷീമൈക്കളിന്റെ പറക്കും സേവ് ഡെന്മാർക്കിന്റെ രക്ഷയ്ക്ക് എത്തി. ഇതായിരുന്നു ആദ്യ പകുതിയിലെ ആദ്യ ഗോൾ ശ്രമം.

പതിയെ ഫ്രാൻസ് കൂടുതൽ സമ്മർദ്ദം ഡെന്മാർക്ക് ഡിഫൻസിന് മേൽ ചെലുത്താൻ തുടങ്ങി. 33ആം മിനുട്ടിൽ ഗ്രീസ്മന്റെ ഒരു ഷോട്ടും കാസ്പെർ തടഞ്ഞു. 35ആം മിനുട്ടിൽ ഡെന്മാർക്കിന്റെ ഒരു കൗണ്ടർ ഫ്രാൻസിനെ പ്രതിരോധത്തിൽ ആക്കി. കോർണിലിയസിന്റെ ഷോട്ട് പക്ഷെ ടാർഗറ്റിലേക്ക് എത്തിയില്ല.

Picsart 22 11 26 22 09 48 041

40ആം മിനുട്ടിൽ ഡെംബലെയുടെ പാസിൽ നിന്ന് എംബപ്പെക്ക് നല്ല അവസരം കിട്ടി. എംബപ്പെയുടെ ഷോട്ട് ആകാശത്തേക്കാണ് പോയത്. ആദ്യ പകുതി ഗോൾരഹിതമായി അവസാനിച്ചു.

രണ്ടാം പകുതിയിൽ ആദ്യ അവസരം വന്നത് എംബപ്പെയുടെ ബൂട്ടിൽ നിന്നായിരുന്നു‌. 56ആം മിനുട്ടിലെ പി എസ് ജി താരത്തിന്റെ ഇടം കാലൻ ഷോട്ടും ഷിമൈക്കിൾ അനായാസം തടഞ്ഞു‌. പിന്നാലെ 59ആം മിനുട്ടിൽ ഒരു ലോംഗ് ബോൾ മികച്ച ഫസ്റ്റ് ടച്ചിലൂടെ കണ്ട്രോൾ ചെഉമ്യ്തു എങ്കിലും അദ്ദേഹത്തിന്റെ ഷോട്ട് നിരാശപ്പെടുത്തുന്നതായിരുന്നു.

അധികം വൈകിയില്ല. 61ആം മിനുട്ടിൽ ഫ്രാൻസ് ഗോൾ കണ്ടെത്തി. തിയോ ഹെർണാണ്ടസും എംബപ്പെയും ചേർന്ന് പെനാൾട്ടി ബോക്സിന്റെ ഇടതു ഭാഗത്തു കൂടെ നടത്തിയ നീക്കം ആണ് ഫ്രാൻസിന് ഗോൾ നൽകിയത്. എംബപ്പെയുടെ ഈ ലോകകപ്പിലെ രണ്ടാം ഗോൾ.

ഫ്രാൻസ് 22 11 26 23 21 59 073

ഈ ഗോളിന് ശേഷം ഡെന്മാർക്ക് അറ്റാക്കിലേക്ക് തിരിഞ്ഞു. എഴ് മിനുട്ടിനകം അവർ തിരിച്ചടിച്ചു. 68ആം മിനുട്ടിൽ എറിക്സന്റെ കോർണർ ആൻഡേഴ്സൺ പെനാൾട്ടി ബോക്സിൽ നിന്ന് ചെയ്ത ഹെഡർ എറിക്സന്റെ മറ്റൊരു ഹെഡറിലൂടെ വലയിലേക്ക്. സ്കോർ 1-1.

ഇതിനു പിന്നാലെ 73ആം മിനുട്ടിൽ ലിൻഡ്സ്റ്റോമിലൂടെ ഡെന്മാർക്ക് രണ്ടാം ഗോളിന് അടുത്ത് എത്തി. ഇത്തവണ ലോറിസിന്റെ മികച്ച സേവാണ് ഫ്രാൻസിനെ രക്ഷിച്ചത്. 80ആം മിനുട്ടിൽ ഡെന്മാർക്കിന്റെ മറ്റൊരു അറ്റാക്കിൽ ബ്രാത്വൈറ്റിന്റെ ഷോട്ട് പോസ്റ്റിൽ ഉരുമ്മിയാണ് പുറത്ത് പോയത്‌.

എന്നാൽ ലോക ചാമ്പ്യന്മാർ വിജയമല്ലാതെ ഒന്നു കൊണ്ടും തൃപ്തിപ്പെടുമായിരുന്നില്ല. 86ആം മിനുട്ടിൽ വീണ്ടും എംബപ്പെ സൂപ്പർ സ്റ്റാറായി. വലതു വിങ്ങിൽ നിന്ന് വന്ന ഗ്രീസ്മന്റെ മനോഹര ക്രോസ് വലയിലേക്ക് എത്തിച്ച് എംബപ്പെ ഖത്തറിലെ തന്റെ മൂന്നാം ഗോൾ ആഘോഷിച്ചു. സ്കോർ 2-1.

Picsart 22 11 26 23 22 16 789

ഈ ഗോൾ ഫ്രാൻസിന്റെ വിജയവും നോക്കൗട്ട് യോഗ്യതയും ഉറപ്പിച്ചു. 2 മത്സരങ്ങൾ കഴിഞ്ഞപ്പോൾ ഡെന്മാർക്കിന് 1 പോയിന്റു മാത്രമെ ഉള്ളൂ‌‌. അവസാന മത്സരം വിജയിച്ചാലും ഡെന്മാർക്കിന്റെ നോക്കൗട്ട് പ്രതീക്ഷ മറ്റു ഫലങ്ങൾ അപേക്ഷിച്ച് ആകും. ഫ്രാൻസിന് 6 പോയിന്റുണ്ട്. ഫ്രാൻസ് ഗ്രൂപ്പിലെ അവസാന മത്സരത്തിൽ ടുണീഷ്യയെയും ഡെന്മാർക്ക് ഓസ്ട്രേലിയയെയും നേരിടും.