ഏകദിന ക്രിക്കറ്റിലേക്കും ശ്രീലങ്കന്‍ ടീമിലേക്കുമുള്ള തന്റെ മടങ്ങിവരവ് ഗംഭീരമാക്കി മലിംഗ. ഒരു വര്‍ഷത്തോളം ടീമിനു പുറത്തിരുന്ന താരത്തിനെ വീണ്ടും ശ്രീലങ്ക ഏഷ്യ കപ്പിനു പരിഗണിക്കുകയായിരുന്നു. തന്നില്‍ സെലക്ടര്‍മാരും ടീം മാനേജ്മെന്റും പ്രകടിപ്പിച്ച വിശ്വാസം ആദ്യ ഓവറില്‍ തന്നെ മലിംഗ് കാക്കുകയും ചെയ്തു. മത്സരത്തിന്റെ ആദ്യം ഓവര്‍ എറിഞ്ഞ മലിംഗ് വെറും ഒരു റണ്‍സ് മാത്രം വിട്ടു നല്‍കി രണ്ട് ബംഗ്ലാദേശ് വിക്കറ്റുകളാണ് വീഴ്ത്തിയത്.
ഓവറിലെ അവസാന രണ്ട് പന്തുകളില്‍ ലിറ്റണ്‍ ദാസിനെയും ഷാക്കിബ് അല്‍ ഹസനെയും പൂജ്യത്തിനു പുറത്താക്കി മലിംഗ ഹാട്രിക്കിന്റെ വക്കിലെത്തുകയും ചെയ്തു. അടുത്ത ഓവറിലെ ആദ്യ പന്തില്‍ ഹാട്രിക്ക് നേടാനായില്ലെങ്കിലും രണ്ടാം ഓവര്‍ മെയിഡനാക്കുവാന്‍ മലിംഗയ്ക്ക് സാധിച്ചു.
