പുതുതായി ടീമിലേക്ക് എത്തിയ ലക്നൗ സൂപ്പര്‍ ജയന്റ്സ് തങ്ങളുടെ ലോഗോ പ്രകാശനം ചെയ്തു. ഇന്ത്യന്‍ പുരാണങ്ങളില്‍ നിന്നുള്ള പ്രഛോദനം ആണ് ഈ ലോഗോയുടെ പിന്നിലെന്നും ഫ്രാഞ്ചൈസി തങ്ങളുടെ സോഷ്യൽ മീഡിയയിൽ കുറിച്ചു. ലോഗോയിലെ ചിറകുകള്‍ ഗരുഡനെ പ്രതിനിധാനം ചെയ്യുന്നുവെന്നും ചിറകുകള്‍ക്ക് നല്‍കിയ ത്രിവര്‍ണ്ണ നിറം ടീമിന്റെ പാന്‍-ഇന്ത്യ അപ്പീലിനെ സൂചിപ്പിക്കുന്നുവെന്നും ഫ്രാഞ്ചൈസി പറയുന്നു.
ചിറകുകള്‍ക്ക് ഇടയിലുള്ള നീല നിറത്തിലുള്ള ബാറ്റ് ക്രിക്കറ്റിനെ കാണിക്കുന്നുവെന്നും. ബാറ്റിന്മേൽ ഓറഞ്ച് സീമുള്ള ചുവന്ന ക്രിക്കറ്റ് പന്തും കാണാം. വിജയ തിലകത്തെ സൂചിപ്പിക്കുന്നതാണ് ഇതെന്നും ഫ്രാഞ്ചൈസി അവകാശപ്പെടുന്നു.
