കൊല്‍ക്കത്ത നൈറ്റ് റൈഡേഴ്സിലേക്ക് തിരികെ എത്തി ലോക്കി ഫെര്‍ഗൂസൺ. നിലവിലെ ഐപിഎൽ ചാമ്പ്യന്മാരായ ഗുജറാത്ത് ടൈറ്റന്‍സിൽ നിന്ന് താരത്തെ കൊല്‍ക്കത്തയിലേക്ക് ട്രേഡ് ചെയ്യുകയായിരുന്നു. ഗുജറാത്ത് ടൈറ്റന്‍സിനായി ആദ്യ സീസണിൽ 13 മത്സരങ്ങളിൽ നിന്ന് 12 വിക്കറ്റുകള്‍ ആണ് താരം നേടിയത്.
അഫ്ഗാനിസ്ഥാന്റെ വിക്കറ്റ് കീപ്പര്‍ ബാറ്റ്സ്മാന്‍ ആയ റഹ്മാനുള്ള ഗുര്‍ബാസിനെയും കൊൽക്കത്തയിലേക്ക് ഗുജറാത്ത് ട്രേഡ് ചെയ്തിരുന്നു. താരം ജേസൺ റോയിയ്ക്ക് പകരം ടീമിലെത്തിയെങ്കിലും ഒരു മത്സരത്തിൽ പോലും അവസരം ലഭിച്ചിരുന്നില്ല.
