കേരള ബ്ലാസ്റ്റേഴ്സ് ക്ലബിന് ഇന്നലെയേറ്റ പരാജയം ടീമിനെ മുന്നോട്ട് മാത്രമെ നയിക്കൂ എന്ന് പരിശീലകൻ ഇവാൻ വുകമാനോവിച്. നമ്മുടെ പിഴവുകൾ കണ്ടെത്തിയാൽ മാത്രമെ ടീമിനെ മെച്ചപ്പെടുത്താൻ ആവുകയുള്ളൂ. ഈ പിഴവുകൾ നേരത്തെ തന്നെ മനസ്സിലാക്കാൻ ആകുന്നത് ടീമിന് ഗുണമായി മാറും എന്നും ഇവാൻ പറഞ്ഞു.
ഇന്നലെ മത്സരം നന്നയി തുടങ്ങാൻ ഞങ്ങൾക്ക് ആയി. എന്നാൽ ആദ്യ കുറച്ച് മിനുട്ടുകൾക്ക് ശേഷം ആ താളം നഷ്ടപ്പെട്ടു. രണ്ട് വലിയ പിഴവുകൾ രണ്ട് ഗോളുകളായി മാറി. വലിയ ടീമുകൾക്ക് എതിരെ പിഴവുകൾ വരുത്തിയാൽ അപ്പോൾ തന്നെ ക്യാഷ് ആയി അതിനു പേ ചെയ്യേണ്ടി വരും എന്നും ഇവാൻ പറഞ്ഞു. ഈ പരാജയത്തിൽ വിഷമം ഉണ്ടെങ്കിലും ചില പിഴവുകൾ ഈ പ്രോസസിൽ വരുത്തേണ്ടതുണ്ട്. എന്നും കോച്ച് പറഞ്ഞു.
