കേരളത്തിന്റെ 265 റൺസെന്ന ഒന്നാം ഇന്നിംഗ്സ് സ്കോര്‍ പിന്തുടര്‍ന്നിറങ്ങിയ ഗോവ രണ്ടാം ദിവസം കളി അവസാനിക്കുമ്പോള്‍ 200/5 എന്ന നിലയിൽ. കേരളത്തിന്റെ സ്കോറിനൊപ്പം എത്തുവാന്‍ ഇനി 65 റൺസ് കൂടി മാത്രം ഗോവയ്ക്ക് നേടിയാൽ മതി.
76 റൺസുമായി ഇഷാന്‍ ഗാഡേക്കറും 37 റൺസ് നേടിയ ദര്‍ശന്‍ മിസാലുമാണ് ക്രീസിലുള്ളത്. ഇഷാന്‍ 51 റൺസ് നേടിയ ശേഷം റിട്ടേര്‍ഡ് ഹര്‍ട്ട് ആയെങ്കിലും 5ാം വിക്കറ്റ് വീണ ശേഷം ക്രീസിലേക്ക് മടങ്ങിയെത്തുകയായിരുന്നു.
കേരളത്തിനായി സിജോമോന്‍ ജോസഫ് 3 വിക്കറ്റ് നേടി. ഇന്ന് കേരളം 247/5 എന്ന നിലയിൽ നിന്ന് തകര്‍ന്നടിഞ്ഞതിന് സമാനമായ ഒരു പ്രകടനം നാളെ ഗോവയിൽ നിന്നുണ്ടാകാത്ത പക്ഷം കേരളത്തിന്റെ ലീഡെന്ന മോഹങ്ങള്‍ മങ്ങിയിരിക്കുകയാണ്.
