സ്വപ്ന ഫൈനലില്‍ ഇന്ത്യയെ കാത്തിരിക്കുന്നത് ഇന്തോനേഷ്യ

Indiadreamfinal

കരുത്തരായ ഇന്തോനേഷ്യയാണ് തോമസ് കപ്പിന്റെ ചരിത്രത്തിലാദ്യമായി ഫൈനലില്‍ പ്രവേശിച്ച ഇന്ത്യയുടെ ഫൈനലിലെ എതിരാളികള്‍. ഇന്ത് ആവേശകരമായ മത്സരത്തിൽ ഡെന്മാര്‍ക്കിനെ 3-2 എന്ന സ്കോറിന് പരാജയപ്പെടുത്തിയപ്പോള്‍ സമാനമായ സ്കോറിന് ജപ്പാനെ തകര്‍ത്താണ് ഇന്തോനേഷ്യ ഫൈനലില്‍ പ്രവേശിച്ചത്.

ആന്തണി സിനിസുക ഗിന്റിംഗും ഡബിള്‍ ജോഡിയായ മുഹമ്മദ് അഹ്സാന്‍ – കെവിന്‍ സഞ്ജയ സുകാമുൽജോ കൂട്ടുകെട്ടും ആദ്യ രണ്ട് മത്സരങ്ങളും വിജയിച്ചപ്പോള്‍ രണ്ടാം സിംഗിള്‍സിലും രണ്ടാം ഡബിള്‍സിലും ഇന്തോനേഷ്യ പരാജയം നേരിടുകയായിരുന്നു.

നിര്‍ണ്ണായകമായ മൂന്നാം സിംഗിള്‍സിൽ ഷെസാര്‍ ഹിരന്‍ റുസ്ടാവിട്ടോ ആണ് ജയം നേടി ഇന്തോനേഷ്യയെ ഫൈനലിലേക്ക് എത്തിച്ചത്.

ഞായറാഴ്ചയാണ് ഫൈനൽ മത്സരം.