“റൊണാൾഡോ ചെയ്ത കാര്യം ശരിയല്ല, ഇത്തരം കാര്യങ്ങൾ അംഗീകരിക്കാൻ ആവില്ല” – ടെൻ ഹാഗ് | Erik ten Hag wasn’t happy with Cristiano Ronaldo

20220803 172838

മാഞ്ചസ്റ്റർ യുണൈറ്റഡ് പരിശീലകൻ എറിക് ടെൻ ഹാഗ് ക്രിസ്റ്റ്യാനോ റൊണാൾഡോക്ക് എതിരെ വിമർശനവുനായി രംഗത്ത്. കഴിഞ്ഞ സൗഹൃദ മത്സരത്തിനിടയിൽ റൊണാൾഡോ സ്റ്റേഡിയം വിട്ട് പോയതിനെ ആണ് ടെൻ ഹാഗ് വിമർശിച്ചത്. റയോ വല്ലെകാനോക്ക് എതിരായ മത്സരത്തിൽ ക്രിസ്റ്റ്യാനോ റൊണാൾഡോ കളിച്ചിരുന്നു എങ്കിലും സബ് ആയി പുറത്ത് പോയതിനു പിന്നാലെ റൊണാൾഡോ കളി പൂർത്തിയാക്കാൻ നിൽക്കാതെ സ്റ്റേഡിയം വിടുക ആയിരുന്നു.

റൊണാൾഡോ സ്റ്റേഡിയം വിട്ട് പോയത് അംഗീകരിക്കാൻ ആകില്ല. റൊണാൾഡോ എന്നല്ല ഒരു താരവും ഇങ്ങനെ ചെയ്യുന്നത് എന്നെ കൊണ്ട് അംഗീകരിക്കാൻ ആകില്ല. ടെൻ ഹാഗ് പറഞ്ഞു. ഞങ്ങൾ ഒരു ടീം ആണ്. ഒരു ടീം ആയാൽ ഒരുമിച്ച് നിൽക്കേണ്ടതുണ്ട്. ടെൻ ഹാഗ് പറഞ്ഞു. മാഞ്ചസ്റ്റർ യുണൈറ്റഡ് വിടാൻ ശ്രമിക്കുന്ന റൊണാൾഡോ നേരത്തെ പ്രീസീസൺ ടൂറിൽ നിന്ന് വിട്ടു നിന്നതും വിവാദമായിരുന്നു.

Story Highlights: Erik ten Hag wasn’t happy with Cristiano Ronaldo leaving Old Trafford early over the weekend